紅葉季節住宿超貴？京都高質膠囊酒店推介 一晚最平$164

踏入秋季，又係紅葉季節，日本楓葉由北到南一直紅落去，當中唔少人都特別情迷京都。京都紅葉一般於11月中開始變色，去到11月底至到12月初就可以欣賞到紅噹噹的紅葉季了！但紅葉雖美，但呢段期間的京都住宿真係非常貴，搞到Budget唔多的朋友拗晒頭。其實，大家可以入住較平的膠囊酒店，以下3間都幾唔錯，如果要求唔高，可以一試！

每晚$262 房雖小勝設施齊全

酒店交通方便，離京都市役所前站只有5分鐘的路程，其內部簡約，以木材為主，間格有點似「碌架床」，一上一下，有短樓梯相連，但入住空間唔算大，勝在膠囊房有男女之分，啱哂獨遊女士。

入住報告：（5星為滿分）

舒適度：***½

酒店乾淨，尚算舒服。但入住空間細，夜晚睡覺輾身比較難，而且光線比較暗，令人無咩精神。

設施：***

呢度供玩樂的設施唔多，但免費Wi-Fi同一般梳洗用具都有。房內有家一般感覺，設有電視及音響裝備，夜晚可用作消遣。出外有公事做的朋友，都可以去到公共空間做野！

抵玩度：***½

每晚都只係$262，性價比高。如果你純粹當酒店係瞓覺地方，想花費多啲錢去賞楓、買手信，咁哩到就啱哂你。

附近賞楓點：京都御苑、平安神宮

CABIN INN Kyoto Sanjo Kawaramachi

地址： 604-8004 京都府, 京都, Nakagyo-ku Nakajima-cho 90 9F, 日本

預訂：請按此

( 相片來源 :Agoda）

近市中心 高科技設施

酒店近市中心，周圍有好多商舖同餐廳，啱晒一眾夜貓。同樣有專為女士提供客房，非常窩心。酒店裝潢比較時尚，以灰黑為主。房間尚算闊落，有布幕拉門，具私人空間，但通風系統有待改善。

入住報告：（5星為滿分）

舒適度：***

房間簡潔，床舒服寬闊，整體以灰白設計，不會讓人有眼花撩亂的感覺。而且位置一流，藥妝店、Uniqlo 都有，就算夜返到酒店都有野行！不過，由於以布幕作門，隔音效果較差，唔適合淺眠的人。

設施：****

雖然佢係膠囊酒店，但係配備高科技設施，住客可以用手機控制電燈及床，仲可以調校鬧鐘。酒店內亦有乾衣機同洗衣機提供，適合長途遊客！

抵玩度：****

酒店硬件設備足夠，環境優美，都只係$366一晚，整體抵玩！酒店有升降機，啱晒一家大細來玩。

附近賞楓點：高台寺、円山公園、知恩院

京都千禧一代膠囊旅館

地址：京都府京都市中京区山崎町235

預訂：請按此

（ 相片來源 :The-Millennials）

$164 體驗和風生活

如果你Budget唔多，去日本旨在看楓葉，了解當地文化，呢間都唔錯！酒店裝潢獨特，讓你體驗下和式住宿生活，店主將傳統舊房改裝成一間青年旅社，內部使用自然採光設計，光透感十足。而且，狹長的屋型配上木質的風格，滿滿江戶時期的味道。

入住報告：

舒適度：****

呢度環境舒適寧靜，有充滿綠意嘅日式庭園，非常溫馨。牆上掛有日本藝術師嘅畫作，衫木的裝潢真係藝術感十足。係咁靚地方休息，真係咩煩惱都冇晒。床都夠大，床內有小小的儲物空間，亦有密碼鎖，安全性比預期好。

設施：***

設施就唔多，但每一樣都做得好細緻，以浴室為例，佢就採用咗標籤及陶瓷設計，讓人體會舊時嘅日式風情！

抵玩度：***½

$164一晚可以體驗都日式生活，算係抵到爛。不過交通有點不便，離京都JR 有點遠，走路要15-20分鐘，而且酒店只有35個膠囊式床位提供，唔早啲Book 都未必入住到。

附近賞楓點：三十三間堂 、智積院、養源院

器設計青年旅舍 (utsuwa Designed Hostel)

京都市東山區本町8丁目86番地

預訂：請按此

（相片來源 : Agoda）

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！