素海霖自爆台灣旅行不愉快經歷 感謝當地職員幫忙 網民留言力撐

香港首位AV女優素海霖（Erena／繪麗奈）嘅第5部作品已於較早前推出，一班網民都大讚素海霖表現有進步，更期待有第6套嘅來臨；素海霖亦曾透露有電影正傾談中，又將自資開網上性商品店。日前，素海霖到台灣旅行，但就遇到一段不愉快經歷。

素海霖於社交平台上載多張到台灣旅行嘅美照，更Hashtag「台灣美食超多」、「想再去了」，不過佢呢次就唔係分享旅行趣事，而係自爆喺台灣嘅一個小小不愉快經歷，表示被一對香港情侶偷拍：「準備放天燈既時候有一對香港人情侶認得我，望住我笑笑口跟住就搵個鏡頭對住我想影我，而唔係走過來同我say hi先」，素海霖續指，希望大家唔好問係咪覺得自己好紅：「紅5紅都好，都唔係咁樣影人掛」，亦分享指連當地女職員都問佢係咪被偷拍，要唔要走去叫對方刪除，表示感到好窩心，再次感謝職員當時幫忙。唔少網民都留言表示香港人唔多識尊重人：「女優都有下班時間，唔係24小時對住cam架」、「要尊重別人，問都唔問影人真係好唔尊重人」、「雖然事件於台灣發生，但主要人物都係香港人，都幾諷刺」、「咁無禮貌？係我會行上前say個hi先」、「我見到都想同你影，不過我都知你有行規，可以既同你say hello我都好開心」、「邊個話係公眾人物就可以隨便俾人影？」、「撐妳！」、「要影人都要得到人同意。 呢個係基本禮貌」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！