素海霖IG再次被檢舉 霸氣公開回應haters：其實你哋係鍾意我

現年26歲嘅香港首位AV女優素海霖（Erena／繪麗奈），自上年3月出道以來備受關注，首套作品更係上年上半年日本Amazon銷量亞軍，只係僅僅輸俾三上悠亞，風頭一時無兩。人紅自然是非多，再加上素海霖性格爽直大膽，都為佢惹嚟唔少是非，好似近日佢嘅IG再次被檢舉，搞到佢喺IG出PO放狠話俾haters。

素海霖除咗會喺IG生活日常之外，不時都會上載性感靚相同網民分享，不過佢今次竟然因為舊相被檢舉，之前佢就因電影《一路向西2》招募PO被檢舉。佢喺IG出PO向haters放狠話：「又被人檢舉..前個禮拜鋪嗰個招募已經俾人檢舉，到而家舊相俾人檢舉，做咩啫你哋，又話我豬又話我點點點，對你哋做成好大威脅嗎？成日花時間係（喺）我身上，其實你地（哋）係中（鍾）意我，認左（咗）佢啦」。

唔少網民紛紛留言力撐素海霖，例如「Haters 先係真愛」、「唔抵得你咁靚」、「樹大有枯枝，人多有白痴。唔洗理D haters,無人應佢地就係最好既證明」、「吓。啲人真無聊！ 唔中意咪唔好睇囉，搞埋晒啲無謂動作，只能夠講佢哋太在乎你啦！」、「我不嬲都話Hater先係最忠實嘅fans，佢地比起忠粉更加留意偶像嘅一舉一動，更加上心」、「我絕對撐你嘅」、「正所謂“人紅招人忌”, 喜歡你演出, 期待一路向西2」、「唔使理啲無聊嘅人」、「型到核爆」、「黑粉都是真愛啊」、「繪老師樹大招風，令他人妒忌，証明妳成功了」、「人紅是非多，好事來嘅。」及「香港AV女神!!加油呀!!」等等；不過亦有網民叫佢唔好睇得自己太高：「別看得自己那麼高好嘛。。。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！