網上專家技術分析女歌手唱功 容祖兒炎明熹都有缺點 邊位瑕疵最少?
歌手人氣幾高都好,無唱功立即現形!近年唔少歌唱老師開youtube channel分析歌唱技巧,但係有個channel「難聽歌手俱樂部」直情技術分析女歌手唱功,新人舊人無一倖免,就連向來被認為唱功係香港女歌手「天花板」嘅容祖兒,都被呢個channel嘅主理人指出有缺點。評價如何?一齊睇!
楊千嬅
千嬅近年被稱為「行走的CD」,版主都認為千嬅把聲有辨析度,聽落有故事感。但係音域窄而且技巧不足,被版主批評「年紀越大越唱越差」。
容祖兒
祖兒有咩缺點?版主認為祖祖「學壞基本功」、「呼吸聲太大」,仲話佢「機能開始退化」……
謝安琪
版主讚Kay聲底靚而且頭音發達,適合輕聲曲風,但就狠批「基本功超級差」!
衛蘭
Janice算係版主眼中比較少缺點嘅一位,最多都係話鼻音重同氣息唔穩定。
泳兒
近年終於獲肯定嘅泳兒,版主認為初出道時唱得較好,可能因為早幾年經歷過失聲影響水準。
GEM
而家喺內地發展好好嘅GEM被評為「機能上最強」,甚至連發聲技術都係最強!
JW
版主認為JW同祖兒一樣,有「學壞呼吸」嘅問題,但情感好而且唱歌有故事性。
Gin Lee
Gin Lee同GEM一樣被盛讚,唯一被版主批評就係太識用聲令佢有時顯得作狀。
陳蕾
近年冒起嘅陳蕾形象同創作力無庸置疑﹐亦被稱讚聲底好,但有時音準唔穩定,「走音走到上廣州」。
AGA
終於上到紅館嘅AGA,版主批評佢好多唱歌技巧環節都唔合格,更被發現以往唱歌冇打開口,同埋去高音就會將頭擰埋一邊。
Serrini
向來好有個人風格嘅樹妮妮被評「無視技巧」而且「長期唔夠氣」,但我諗佢唔care囉~
炎明熹
18歲就開到個唱,實力人氣缺一不可,不過版主都搵到Gigi嘅盲點!
Winka@COLLAR(陳泳伽)
COLLAR嘅歌唱擔當,亦被評為最有天賦,但因為經常越級挑戰而自曝其短。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!