胡鴻鈞千字文講學生自殺事件 網民唔Buy

今年有多宗學生自殺事件，令唔少香港人討論。歌手胡鴻鈞尋日就寫咗篇千字文，講下自己童年，又叫學生有咩事要同朋友傾訴，仲同學生講聲加油，不過有部分內容就被網民批評太離地。

例如呢句:「你們覺得教育制度不好，那就先贏了它，再嘗試去改變它。」

網民就話:

聽落怪怪地咁？要反共係咪要先投共

只有上咗岸，事不關己先講得出

最多人like嘅留言係：

抱歉，但你的言論好像是，站在高樓上，看地面的人被火燒死，不拋水彈（不論是多小的水彈也好）下來滅火也就算了，還叫正被燒的人「你們覺得被火燒不好，那就先忍耐它，再嘗試去撲熄它」，「反正被火燒完之後，你再往後看，就會覺得自己強左」。

亦都有人支持佢：

你的鼓勵，我相信每一個有正面思想人都會感受到你的用意，多謝你的分享!

不過胡鴻鈞有樣野講得好啱。各位學生，如果有咩心事記得搵人傾訴，其他人身邊有學生的話，多多關心佢。有時諗唔開，有個人係身邊陪伴關心，結果會差好遠。