《與諜同謀》鄭俊弘未夠氣勢？咁搵邊個飾演Ringo好？

無綫新劇《與諜同謀》中羅嘉良飾演商場大鱷卓君臨，與鄭俊弘飾演嘅商業奇才潘少杰鬥到你死我活。對於鄭俊弘表現，觀眾意見好壞參半，有啲網民話佢未夠班夥拍撈家；但又有網民又話鄭俊弘喺TVB拍左劇成10年，只係2013年《星夢傳奇》攞左冠軍後，先拍少左戲。大家又認為以下呢幾位邊個演RINGO比較適合呢？

黃宗澤
黃宗澤喺好多戲中都做過商業奇才，無論係《幕後玩家》所飾演嘅秦昇海丶《點金勝手》所飾演嘅卓彧，還是《潛行狙擊》飾演嘅蘇星柏，套套都係有勇有謀。

王浩信
王浩信扮咩似咩，好似《樓奴》中搞笑演出樓耀明一角，之後係《EU超時任務》中飾演表面古惑內心正義嘅圍村村長「渠頭」都好評如潮。

黃浩然
黃浩然當年獲導演杜琪峯發掘入行，拍攝多部杜琪峯作品。加入TVB之後他憑藉《談情說案》、《情越雙白線》及《巾幗梟雄之義海豪情》人氣急升。

蕭正楠
依幾年蕭正楠個個角色都深得觀眾喜愛，無論《公公出宮》飾演崔晉昇，《幕後玩家》飾演馮汐然，甚至《巨輪II》嘅羅威信都獲得唔少肯定。

何廣沛
無綫力捧小生何廣沛，早前係《律政強人》中做方中信嘅徒弟仔何廣沛，性格戇直，同時又充滿正義感，在劇中吸引到唔少觀眾。最近無綫都安排佢係《財神駕到 》和《親親我好媽》擔任重要角色，務求令佢盡快入屋。

黃子恆
近年獲無綫重用嘅小生之一，喺不同嘅劇集中，都擔演重要角色。如《味想天開》嘅蓋兆天，仲有《乘勝狙擊》嘅周兆良。不過佢通常都係演奸角。

除左佢地之外，大家心目中有冇其他人選呢？