英女皇健康存疑 英國進行大型「駕崩演習」

英女皇已經年屆92歲高齡，不過一直以嚟出席公開場合例如啱啱嘅哈里王子大婚時，都精神奕奕完全唔似一個90幾歲嘅婆婆。不過始終人難以逆天，有傳英女皇近日健康出現問題，5月接受咗白內障手術之後，上月月底又因為身體不適缺席某啲公開場合。有英國傳媒就話收到消息，由英國官員及內閣大臣組成嘅「倫敦橋行動」（Operation London Bridge），自1960年代已經出現，一直準備萬一英女皇駕崩之後嘅一連串安排，一共有48個步驟，包括向全國公告、哀掉、繼承人就位等。一直到2018年，亦由之前嘅安排查理斯王子繼位，到目前好大機會由威廉王子繼位。據講呢個演習已喺6月28日進行，名為Castle Dove，多位大臣及官員都有份參與，而且規模係近年最大型，可見大家都好擔心英女皇嘅健康呢！

英女皇已經92歲，雖然平日睇嚟好健康，但都偶然有小病痛。

Operation London Bridge會根據過往歷屆國王駕崩嘅程序進行演習。

當中最重要係如何安全順利咁讓繼承人就任英國國王。

相關文章：

畫家熱愛旅行 將攝影結合3D手繪圖紀錄旅途點滴

【2018 – Skyscanner暑期旅遊特刊】熱辣辣放暑假！亞洲8大必去水上樂園

「水都」無水？威尼斯突然河流乾涸

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！