Yahoo奇摩新聞 【裝修佬話你知】睡房佈置有技巧！助你真正放鬆、減壓
（文：康少）
現時香港人工時長，壓力大，生活節奏快，每日短暫嘅睡眠時間就顯得非常重要。睡眠素質除咗受到自身影響之外，房間內嘅環境都有住莫大嘅關聯，以下裝修佬同大家分享睡房減壓嘅配搭技巧。
燈光選擇
人一般係光線較暗嘅環境度更容易入睡，床鋪宜設係室內角落，由瞓覺前嘅頭一個鐘開始，光度調節到比原先較暗D，選擇遮光度好嘅窗簾，窗簾以冷色調為佳，可以幫助打造一個優質嘅睡眠環境。
另外，安裝係唔同位置，唔同光度嘅牆燈同床頭燈滿足唔同嘅使用需要，建議選擇D可以調節高度同亮度度嘅檯燈配合使用。
色彩搭配
用唔同嘅顏色裝飾房間，會俾人唔同嘅視覺感受，一般來講，睡房牆面應以淺藍、淺綠、白色為佳，會俾人寧靜、幽雅、舒適感，令人睡意更濃。如果將窗簾、掛畫、床單配成淡綠或淡藍色則催眠療效更佳。
睡房床、櫃、櫈等採用木材質，由於木色係最原始嘅色彩，純樸大方，回歸自然，令你嘅睡眠環境更舒適。
睡房床單顏色同花色選擇，應該避免過於刺激嘅色彩、過於混亂誇張嘅圖案，藍色同綠色對睡前有安定情緒作用。
安眠小物
瞓前避免過於興奮，可以聽下安靜嘅輕音樂，平定心情，舒緩疲勞。
瞓前睇書係有百利而無一害嘅事，辛勤忙碌咗成日，入睡前睇自己鐘意嘅書，都可以令人帶著愉悅心情，但要留意，瞓前最好睇D簡短嘅書，唔好耽誤瞓覺時間。
香薰有安寧神經、舒眠作用，可以係床頭櫃擺香薰用品，淡淡嘅香味，可以引導身體進入深層睡眠狀態，保證優質睡眠。
睡房床頭同牆面之間，其實形成了一個比較封閉嘅空間，提供舒適安穩嘅睡眠環境。深色床頭櫃再用新鮮雛菊加以點綴，就可以打造出舒適嘅小憩角落，帶來清新活力效果。
(以上圖片均來自網路，如有任何版權問題，請與本站聯絡)
消閒資訊由熱新聞提供
原文連結: 裝修佬話你知:睡房減壓配搭技巧 (康少)
更多相關內容
裝修佬
致力於令香港沒有麻煩/爛尾的裝修。為實現這個使命，全體裝修佬成員不斷努力，推動裝修、建材、家居市場的規範化，改變著數千萬家庭的裝修方式和置家理念，為用戶創造卓越的互聯網裝修體驗。
