誠哥再救港：屈臣氏宣佈手機及網店同步開賣口罩

文章來源：Qooah.com

前世唔知做咗咩錯事嘅香港人，今年好多人過完年返工，第一時間要做嘅野並唔係去逗利是，而係坐定定上網搶口罩。無論係各大海外網店、Facebook、Instagram 網店全部唔會放過。繼琴日 HKTV mall 開賣小量口罩至網店癱瘓後，今日再到誠哥嘅屈臣氏出手救港。

大家都知，現時屈臣氏已經改咗由網店發售口罩或其他投疫產品，但有個問題就係太多人同一時間上網搶以致好難買到。

屈臣氏剛剛於 Facebook 上宣佈，好消息，就係依家喺屈臣氏電子商店網站以及手機應用程式同步即時開賣外科口罩以擴大流量，等大家可以更有效率地買到回罩。不過，始終買口罩人數太多，消息一公佈後短短半小時已經有接近 15 萬人在排隊等進入網店購買。而屈臣氏亦表示，為加快處理網購人龍，進入網店後至完成訂單，每人購物時間最多為 15 分鐘，令更多人買到。

大家就入去 網站 或者手機程式(iPhone、Android)，排個希望啦。

為您推薦更多相關文章：

更多推薦文章在：Qooah.com

Like/讚好以獲得全面資訊：Qooah Facebook