Yahoo奇摩新聞 講中晒心聲！打風必要重溫的5大回帶爆笑片
強烈颱風「海馬」襲港，各位打工仔今日不用上班變相有額外假期可放。大家除了緊貼颱風消息外，不妨重溫以下的搞笑颱風片段，當中的幽默保證大家睇完有共鳴。
黃子華：人打風你打風你打個幾粒鐘
香港有李氏力場守護，不讓颱風窒礙股市運作，上班族沒得休息。男神黃子華早年在2008年的棟篤笑《兒童不宜》爆出金句：
「事實上又有乜嘢，係快樂得過你明知聽日要返工，而你聽到天文台講：現時三號風球現正懸掛，颱風「馮馮」正在逐漸迫近本港，稍後可能會改掛八號風球.....」
「人打風你打風你打個幾粒鐘，我打邊爐都打得耐過你！你有邊個風球覺得自己係打得好嘅，舉一舉手!」，聽完子華咁講，無咩事我出番去準備打邊爐。
主播鄭萃雯唔記得熄咪
服務性行業或新聞工作者都會在颱風日返工，無綫新聞主播鄭萃雯有一次唔記得熄咪，在同事報導颱風路徑時，蝦碌漏了嘴：「唉~~~~~佢穿過左香港呀！」，講中了多少人的心聲。
潘蔚林MJ上身
每逢有颱風殺到，大家都會不其然想起前主播潘蔚林無懼風雨走到尖沙咀試風力的報導。當他走近海邊時更要即時紮馬先可以抵抗風力企穩，更出現Michael Jackson 的45度斜角舞姿，認真敬業樂業，小編向一眾在打風開工的工作者致敬，不過市民就不要亂學，打風期間要留在安全的地方，做足防風措施。
市民：我諗6點前都會落波
對對對，香港有李氏力場嘛，去年颱風「蓮花」襲港期間，有市民在接受訪問時說：「我諗6點前都會落波，唔需要奢望（放假），因為肯定唔會」，呢位先生以消極態度對抗力場，凡事必有轉機。
童言無忌：聽日十號風球、雷暴警告、黑色暴雨警告、加龍捲風！
掛8號風球邊個最開心，當然係唔洗面對功課嘅小學生（與及唔洗面對老闆嘅打工仔）。被問及對打風假期的意見，有四位小學生多年前在接受新聞記者訪問時表示：「聽日十號風球、雷暴警告、黑色暴雨警告，加龍捲風！」，睇嚟幾位小朋友食咗誠實豆沙包，其.實呢個世界仲有好多工種嘅人要冒住風雨開工架。
Related Articles
