Yahoo奇摩新聞 
賴慰玲產後收起豪邁 母愛滿瀉變溫柔媽媽
31歲嘅賴慰玲(Winki)日前一索得男，剖腹誕下6磅囝囝Marat，升呢成為媽媽。不少圈中好友都有到醫院探望Winki，除咗Mclub一班好姐妹，同樣初為人母嘅孫慧雪（雪雪）都有現身指點迷津，雪雪仲大爆一向豪邁嘅Winki產後變身溫柔媽媽，令佢大感意外！
撰文：Sunday Kiss
圖片來源：snow711,laiwinki@Instagram
延伸閱讀：
M碼變S碼！3個動作輕鬆減腰腹臀圍大腿 + 4個不捱餓健康零食
賴慰玲產後收起豪邁
雪雪日前分享同蔡思貝一齊探Winki時嘅合照，仲大爆自己曾經叫Winki快啲生！雪雪話：「記得嗰陣大住個肚叫你快啲生啦！你話：好！今晚即刻試！」點知又真係緊隨其後即刻有咗BB！雪雪形容初為人母嘅Winki一副慈母相，比起佢一直認識，一向性格豪邁嘅賴慰玲，簡直係脫胎換骨！雪雪話Winki對眼完全冇離開過BB，見到咁樣都好替佢開心，仲話以後要一齊為為佢哋嘅媽媽路而努力呀！
Winki話自己初初懷孕時除咗上網同睇書搵資料，亦有搵雪雪上堂學嘢，仲叫對方做「懷孕達人」！
BB仔肥肥白白正在甜睡，好得意呀！
賴慰玲親自報喜 Post埋生仔相
賴慰玲也親自在社交平台報喜及上載多張相片，見到好多朋友已經去咗探BB，包括契爺鄭嘉穎、陳凱琳、田蕊妮、陳嘉寶、孫慧雪等。賴慰玲留言話：「Yes!!! My baby boy is born!!!3kg , super lovely」。跟住Winki又話：「原來生仔真係好痛㗎！搏鬥36小時，可惜最終都係要剖腹，無辦法，安全最緊要嘛！」，Winki囝囝嘅英文名叫做「Marat」，係由契爺鄭嘉穎改！「英文名由KC契爺改好，Marat，佢話要好Man，Man到心口有胸毛」賴慰玲不忘答謝老公：「多謝BB爸爸的陪伴，沒有你就不能有我們」好Sweet呀！
下一頁：思考型爸爸森美 從旁觀角度看子女
下一頁：DJ 朱薰 推崇「羅家英」教學法
延伸閱讀：
