Yahoo奇摩新聞 
越南峴港周邊三大必去景點 – 會安、美山聖地及順化
對於 越南 ，大部分人嘅第一印象應該都係胡志明（西貢）或者峴港。越南除左充滿法國色彩嘅胡志明同陽光與海灘嘅峴港之外，其實仲有好多城市都值得去睇㗎。唔講咁多，KKday即刻同大家去睇睇個會安、美山聖地同順化依三個地方究竟有咩咁特別，咁值得喺去 越南 時去啦！
一、會安市（Hội An）
嚟到會安，好多人嘅第一感覺係，咁似中國嘅？無錯，因為會安喺過去又有另外一個名叫「明鄉」。會安原本係一個從事貿易嘅港口，之後有大量唔願歸順清朝嘅明朝遺民選擇喺會安定居，就慢慢令會安發展成越南早期最大嘅一個華人聚居地。
時至今日，會安已經成為聯合國世界文化遺產同好多人喺越南必去嘅地方。行喺會安街頭，所見之處都係熟悉嘅中文，仲可以睇到唔少當年嘅華人建築，譬如福建會館同潮州會館。
雖然會安係個古樸嘅古鎮，但對於深受光污染荼毒嘅城市人嚟講，會安嘅夜景絕對會為大家留下深刻印象。會安街頭嘅燈籠一般會喺黃昏開始著燈，而七點半開始就係會安最靚嘅時段，鐘意影相嘅你地絕對唔可以錯過！
二、美山聖地（Mỹ Sơn）
美山係古代占婆王國嘅統治中心，而美山聖地係占婆國王嘅安息地同埋宗教場所。唯一可惜嘅係，美山聖地喺越戰時期受到美軍轟炸，大部分嘅建築群都受到頗為嚴重嘅破壞。
對好多曾經去過吳哥窟嘅人嚟講，美山聖地感覺就好似迷你吳哥窟，但其實美山聖地嘅歷史遠比吳哥窟要早，係東南亞地區最早興建嘅印度教廟宇建築群，所以都有好高嘅歷史同參觀價值。
成個美山園區大約2至3個鐘頭就可以睇完，而大家去嘅時候建議最好有導遊導覽，否則睇起上嚟就會有一頭霧水嘅感覺。
三、順化市（ Huế）
順化曾經係越南山朝和阮朝嘅首都，一直到近代南北越分裂後先遷都。作為一個城市，順化其實好細，單單順化皇城已經佔左大約三分一面積。
作為過去嘅首都，順化當然有自己嘅皇城，就好似北京嘅紫禁城同首爾嘅景福宮一樣。越南喺過去曾經係中國嘅藩屬國，又曾經係法國嘅殖民地，所以順化皇城嘅風格可以話係中西建築文化交融嘅又一典範。
除左皇城之外，順化仲有幾個皇家陵墓，當中又數啟定陵最具特色。啟定皇陵佔地並唔大，但當中極具法國風格同特色，係最多遊客選擇參觀嘅皇陵。相信大家入到去，必定會為佢嘅奢華同精緻所感歎！
更多越南旅行攻略：
【越南】胡志明市交通攻略
【越南】十大美食排行榜
【越南河內】探索自然文化之旅
【咖啡特輯】9間胡志明咖啡店推薦
想更加深入認識越南？你可能需要：
搭纜車欣賞巴拿山美景！越南峴港小法國仙境一日遊
周遊越南必備交通 Open Bus！會安出發
越南峴港24 小時觀光巴士Coco Bus Tour 乘車券
動手做美食！峴港廚藝教室體驗
認識KKday
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 80 個國家、500 個城市，為您搜羅超過 10,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。
▲前往KKday 網站，訂購心水行程！
▲下載KKday App與你同行，發掘更多在地旅遊體驗！
▲訂閱KKday電子報，獲取更多旅遊優惠！
▲Facebook ▲Instagram ▲YouTube ▲KKday群組
