Yahoo奇摩新聞 跟Barbie學時尚穿搭!淨色白Tee之百搭襯法 白Tee點襯先好睇?
平時冇乜穿搭idea時，總會開IG參考下網紅潮人嘅#ootd(Outfit of the day)，但你有冇諗過可以喺Barbie個人IG搵靈感?有藍剔認證嘅@BarbieStyle帳號，入面唔單只有佢每日穿搭日常，仲可以見到佢去各地遊世界嘅靚相，比好多歐美穿搭潮人仲多姿多采!
夏天最常著白Tee，即刻幫大家整理「芭比6款白Tee穿搭術」，雖然白Tee又冇Logo又冇圖案，但著上Barbie身你唔會覺得悶同老土，反而又潮又百搭，連髮型、飾物搭配都非常講究，仲唔即刻偷師學嘢!
1.白Tee x 牛仔短褲
白Tee同牛仔係絕配，只要簡單搭上牛仔褲、短靴加副超，就係簡約又時尚之穿搭!
2.白Tee x 絲質吊帶裙
吊帶裙內襯白Tee係近幾季女生最熱門穿搭之一，而今年更加興較feminine嘅絲質裙，簡單內搭一件Tee，就可以中和絲質裙嘅女人味，令你顯得休閒又甜美。
3.白Tee x 波點長裙
波點裙同樣係今年必備流行單品，如果唔係太識襯，就直接上身著Tee，好有法國女人嘅俐落風格。
4.白色Crop Tee x 印花休閒褲
好多人怕著呢種花花褲，覺得好似睡褲，其實只要上身著件白色短身tee板，搭配高腰印花褲，成個人即刻清新後生哂!
5.黑白灰混搭
利用千鳥紋西裝外套，內搭白Tee及黑色短褲，呢種黑白灰混搭既穩陣又長青，職場女性不妨學一學。
6.白Tee x 吊帶牛仔褲
白Tee亦非常適合同吊帶褲一齊著，如果擔心唔夠潮，學Barbie加條sharp色領巾，時尚度up!
I’m a Barbie Girl in a Barbie World
齋睇相邊夠喉?適逢今年係Barbie 60歲大壽，其60周年特別企劃You Can Be Anything全球巡展就嚟到銅鑼灣Fashion Walk，Barbie迷一定唔可以錯過見偶像嘅難得機會呀!
時尚教主衣櫥
自1959年面世以來，Barbie先後與多個國際知名品牌合作，靚衫多多，展覽就將2.5米高Barbie衣櫥搬到室內商場地下中庭，首度展示Barbie日本別注版女裝服飾及最新聯乘鞋款。
流行經典60年
Fashion Walk地下走廊設有展覽區，獨家展出60個極具代表性嘅Barbie公仔，重溫各個年代嘅流行造型。唔知又有冇你細細個玩過嘅款式呢?
入包裝盒扮公仔
Barbie迷千析唔好miss咗呢個打卡位!食街放咗兩個Barbie及Ken巨型公仔箱，等大家走入去扮公仔影相，記得要好似Barbie著得咁靚先可以呃到Like啦!
Barbie 60周年「You Can Be Anything」
日期：即日起至8月30日
地點：銅鑼灣Fashion Walk
圖片來源：ig@barbiestyle、Fashion Walk
更多相關文章
