Yahoo奇摩新聞 【達哥、Sammi最爆笑！校長、Chi-Lam最驚喜！《棟篤特工》十大客串明星逐個捉！】
子華神再拍電影，仲要係拍一部賀歲片，唔係唔call齊人馬撐場嘛？
子華神再拍電影，仲要係拍一部賀歲片，唔係唔call齊人馬撐場嘛？子華神本身自己已經夠好笑，今次同幾個主要角色包括佘詩曼、C君、蘇麗珊一齊笑住演戲，仲有超多明星客串，不乏重量級人物，又爆笑又驚喜每幾分鐘就有一個，正！
誓估唔到，最爆笑嘅串星，竟然唔係乜乜天皇巨星，而係達哥！好做唔做，做個數學老師，仲要鹹濕搞女學生，抵佢畀人糟質！之但係，達哥讀對白嘅方式語氣別樹一格，的確好好笑！
Sammi登陸子華神嘅新戲，大概估到，因為之前Sammi演唱會都有子華神做嘉賓。今次戲入面Sammi做番自己，突然發癲話自己剩係食齋，悼念果幾隻用來開鏡拜神嘅乳豬全體，睇得出Sammi好落力！
今次Ronald唔止客串咁簡單，前中段都有一節幾長嘅群戲，去地獄又比人折磨之餘，又粗口又有得同「暗黑林志玲」AV女優波多野結衣做戲，仲有身體接觸，子華神偏心喎！
三姑出場好正常，今勻同麥玲玲師傅、細細粒同埋欣宜一齊打麻將登場。戲中作為子華神嘅舊情人，雖然戲份好少，但一樣搶晒鏡！
咁多個串星之中，ChiLam可以話最落力瞓身演出。點解？佢全副武裝化身成為幪面超人，成身綠色咁@勇救」小妹妹，打妹妹個老豆，好大突破，堪稱《棟篤神探》之中最好笑嘅串星之一！
校長出場，的確係驚喜，話晒佢冇乜必要出來幫手宣傳嘛！戲中佢扮演一名警察，仲有唱歌環節，要佢清唱番段唔啱音嘅一段歌仔，仲要畀人話唔好聽，確係一大驚喜。
千嬅做番老本行，唔係歌手、唔係護士，而係新紮師妹方麗娟，化身成為交通警，好有集體回憶！
《棟篤特工》嘅中後部分，講述子華神飾演嘅特工，中咗招要做番自己，結果要搵番佢果堆舊情人，希望佢哋原諒自己，其中一個就係蔡少芬！諗諗下，子華神同Ada合作嘅《棟篤神探》經已係2004年嘅事，當年仲因爲觀眾而改結局。真係值得回味呀！
上回提到搵舊情人，其中一個竟然係苑瓊丹子？唔只，同場仲有變性做埋男人嘅鄧兆尊。一次過帶比大家一啲唔係靚女嘅舊情人，大家爆笑連場鬥戲，好睇！
去到劇情尾段，佢地包咗九展做一場大龍鳳，需要一大班人一齊同心協力先救到全世界，實現子華神「世界和平」嘅願望！其中3個幫手，就係喺時裝店賣衫同拖地嘅草蜢三子，一起森巴舞！
前往瀏覽完整內容:
【達哥、Sammi最爆笑！校長、Chi-Lam最驚喜！《棟篤特工》十大客串明星逐個捉！】
更多相關報導:
《黑寡婦》開拍電影，性感又好看的Scarlett Johansson成名之路
