郭嘉文近照五官愈見精緻 疑憑歌寄意剖白與李澤楷昔日愛情

郭嘉文（Karmen）2015年參選香港小姐競選奪得季軍入行，2016年與「小小超」李澤楷拍拖，升呢做「千億女友」之後就淡出幕前。2019年李澤楷罕有地高調帶同郭嘉文現身馬場活動，仲大方合照，印證女友地位；正當外界以為郭嘉文有望嫁入豪門之際，2021年7月傳出二人分手消息，不過郭嘉文與李澤楷均未就感情狀況正面作出回應。

郭嘉文絕少於公開場合亮相，僅間中於社交平台分享生活近況，好似7月份佢就與林凱恩出席鄺潔楹嘅Barbie生日會，一身粉紅色打扮嘅郭嘉文被指少女味十足，睇起上嚟完全唔似已經30+。近日，郭嘉文於IG限時動態分享最新自拍大頭照；照片中，郭嘉文化上淡妝，五官比之前更見精緻。而郭嘉文就寫上幾句Taylor Swift歌曲《Cruel Summer》歌詞：「And it's new, the shape of your body. It's blue, the feeling I've got. And it's ooh, whoa, oh. It's a cruel summer. It's cool, that's what I tell 'em（你的身體輪廓，讓我感到新鮮，我擁有的感覺，是藍色的。這是一個殘酷的夏天，這一切都很酷，我是這樣告訴他們的） 」最後一句歌詞令人聯想到郭嘉文與李澤楷係喺夏天傳出分手，疑似憑歌寄意剖白與李澤楷嘅愛情。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！