Yahoo奇摩新聞 銅鑼灣美食｜焗豬扒飯外賣專門店「PIGSMAN 碧士文」！必食手打本地豬漢堡/英國特工主題
銅鑼灣有特工出沒！？說的是銅鑼灣糖街最新的英國特工豬扒飯主題外賣店Pigsman，店內融合電影「皇家特工」跟「007特務占士邦」的特色，食物也相當有心思，除了豬扒飯，還有手打本地豬漢堡跟一系列豬主題的美食，而且其中一個投資者原來是美食Youtuber「唔熟唔食」Arthur Chan，值得期待！各位特工們，準備好這次豬扒大戰了沒？
【立即讚好】全新 Yahoo Food Facebook 專頁
英國優雅特工外賣店 食港式豬扒飯
假如你是皇家特工的忠實粉絲，經過糖街旁，定必對這間在外頭放置了三套優雅西裝的墨綠色店舖有所留意。「其中一個Partner都喺英國返嚟，就諗下到底有冇咩可以夾份做。」老闆之一Kason說，「我哋覺得香港人都鍾意食豬扒飯，但好多時候豬扒飯都係連鎖店或者茶餐廳度食，我哋想大家覺得食豬扒飯都可以好型，直情將豬扒飯Upgrade！」之後他們再思考有甚麼可以連結Partner英國的背景，靈機一觸就想到英國特工，「加上我係皇家特工Kingsman嘅忠實Fans，成間餐廳嘅概念就出曬嚟。」從此Kingsman變成Pigsman，店內亦正式成為豬扒飯專門店。
店內主打菜式被搞鬼地取名為主要任務，豬扒飯亦被命名為不同特務身份，當中包括有7款「特務」，包括威士忌BBQ（特務J）、芝士焗越式水咖哩（特務C.C.）、蔥油（特務G）、避風塘（特務T）等等。「我哋比較推介招牌威士忌BBQ豬扒飯，當中我哋參考咗Jack Daniel's BBQ燒烤醬，因為Jack Daniel's BBQ燒烤醬喺英國相當受歡迎，最後再創作出屬於我哋嘅威士忌BBQ醬。」為免威士忌味不夠濃，在出餐前更會直接噴上少許威士忌。
有豐富的BBQ香氣，帶有陣陣威士忌醉人的味道，是喜歡重口味的特工們的不二之選。
Kason亦特別為豬扒飯設計出一個型格的長條型外賣盒，「每件豬扒都厚2厘米左右，而且用咗肉眼位，比較有口感，男士都會夠飽。」當中卡邦尼焗豬扒飯配溫泉蛋英文為Agent Eggy，Kason表示是特別對皇家特工主要角色Gary "Eggsy" Unwin致敬。
芝士燒至微焦，奶香濃郁，刺破溫泉蛋後再拌勻享用，是中西融合的美食代表。
必食手打本地豬肉漢堡包 仲有特務007電影珍品
天氣太熱，不想食豬扒飯？餐廳還準備了兩款豬扒包，特別推介「豬榴彈」，「呢款包用咗手打本地豬肉漢堡扒，夾住牛油菜，亦係外國常用嘅漢堡包配菜。」這款豬榴彈的漢堡扒口感紮實多汁，而且漢堡相當厚身，就算把嘴巴張得再大，也無法一口把漢堡吃掉一層。
雙層手打漢堡扒多汁有咬口，只要轉換醬汁立即帶來截然不同的風味。
用兩片金黃的牛油多士夾住簡單香煎過的豬扒，配上牛油菜已經足夠美味。
與一些快餐外賣店一樣，Pigsman亦有供應一些小食跟醬汁，但是當中有不少都是自家製，非常用心。而且店內亦放置了不少特務需要用到的工具作裝飾，當中更包括電影007占士邦使用過的道具槍！另外，店內其中一個投資者是美食Youtuber「唔熟唔食」Arthur Chan，聽說他有自創一款餐牌上沒有的獨家口味，有興趣的特工們記得到Pigsman「接任務」呢！
將薯條變成邪惡的豬扒手指，沾上醬汁更是讓人忍不住一條接着一條。
PIGSMAN
地址：銅鑼灣糖街31號Sugar +地下2號舖（地圖按此）
電話：6659 6661
全新訂座平台「Yahoo訂餐廳×Openrice」正式上線！
更多銅鑼灣美食推介
銅鑼灣美食｜鬧市打卡越南餐廳Lúa！自製河粉檬粉 必叫班蘭法包
Bakehouse銅鑼灣開店！疫市開分店 必試酸種蛋撻、牛角包、麵包
The Matcha Tokyo銅鑼灣｜東京人氣抹茶香港專門店正式開業！有機鹿兒島抹茶特濃雪糕＋長崎蛋糕＋Croffle
After You香港｜泰國過江龍甜品店After You銅鑼灣開幕！必食泰式奶茶+芒果糯米飯刨冰/超厚鹹蛋黃吐司
銅鑼灣美食│席前鐵板燒$368/位午市套餐！燒廣島蠔/煙燻依比利亞豬鞍/鑊氣炒飯
銅鑼灣美食〡台灣無老鍋進駐香港！必試麵包豆腐白湯鍋/任食台灣直送鴨血/獨門自創冰淇淋豆腐
銅鑼灣美食〡川菜新貴川川！三希樓班底/招牌辣子雞/香辣古井鵝肉脆炸包
上村牧場進駐銅鑼灣時代廣場！日本燒肉放題任食 迴轉列車送餐 主打鹿兒島牧場的A4頂級薩摩黑毛和牛
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載
