電影LOL︳《奪命狂呼7》女星撐巴勒斯坦被炒 女主角Jenna Ortega翌日辭演

以色列同哈馬斯嘅戰爭持續個幾月，雖然宣布暫時停火，但對雙方嘅人命傷亡難以彌補。西方陣容撐以色列，指哈馬斯施襲係恐怖主義行為。

墨西哥裔嘅荷里活女星Melissa Barrera，早前被指喺以哈開火無耐後，喺個人IG上轉發支持巴勒斯坦嘅言論。本來Melissa有份參演新片《奪命狂呼7》，但片商Spyglass日前宣布飛起佢，仲發聲明話「對反猶太主義以及鼓吹仇恨的行為零容忍」。

Melissa 被炒一事引起嘩然，畢竟佢並無支持哈馬斯，部份帖文亦表明「巴勒斯坦不等於哈馬斯」、「以色列不等於猶太人」。而《奪命狂呼7》導演Christopher Landon得知Melissa 被炒後，發文同炒人事件割席，聲稱「唔係我嘅決定」，但後來刪文。

事有湊巧，Melissa 被炒翌日，《奪命狂呼7》女主角Jenna Ortega，以拍攝Netflix劇集Wednesday撞期為由，宣布辭演《奪命狂呼7》。Wednesday係以《愛登士家庭》大女嘅青春期生活為藍本，上季大獲好評，即將開拍season 2。外媒Deadline報導話，雖然Jenna Ortega同Melissa Barrera喺《奪6》飾演姊妹，但Jenna辭演應該同Melissa 被炒無關，因為荷里活演員罷工前已經傾緊，當時以哈都未打仗。

《奪命狂呼》系列由90年代開始推出以來，反應尚算唔錯，6套作品合共收超過9億美元。Jenna開始加入嘅第5集，同第4集相隔11年，觀眾等得夠耐令系列谷底反彈，今年初上映嘅第6集更加大收1.7億美元。而家要易角，仲要係主線兩姊妹，搵邊個頂？應該好頭痕。

因為言論而出事嘅藝人，仲有影后蘇珊莎朗頓。佢喺日前一個集會上發表「撐巴」言論之後，所屬經理人公司UTA宣布同佢終止合作。

更多電影文章

電影LOL 今期睇咩戲︳拿破崙／困獸／自由之聲／魔髮精靈：夾BAND天團／詩／臍帶

電影LOL︳少年習武橋段冇得輸《龍威小子》推出40年後再拍續集 物色功夫小子做成龍徒弟

電影LOL︳網民用A.I惡搞二創Pixar畫風海報 玩有味meme圖教壞細路？

電影LOL︳總理都撐！泰國驚嚇笑片《送葬人》上映未夠一個月狂收7億泰銖

電影LOL︳傳奇天后Edith Piaf自傳 用A.I重現本尊聲音做旁白

電影LOL︳Marvel搵《復仇者聯盟》舊人救亡風聲四起 「黑寡婦」Scarlett Johansson咁回應

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！