電影LOL︳女醫生偷食小鮮肉後交換肉身 萬聖節應節片Suitable Flesh少少咸多多血

萬聖節梗係要睇恐怖片應節，今年喺呢個檔期上陣嘅有新片Suitable Flesh。電影改編自美國作家H.P. Lovecraft 330年代短篇小說The Thing On The Doorstep，由Cult片Mayhem導演Joe Lynch執導，《一舉成名》女星Heather Graham及The Baby Sitter年輕男星Judah Lewis主演。Suitable Flesh唔止sell驚，仲有大量血腥同色情鏡頭。

電影講述Heather飾演嘅心理醫生，對其中一個患有人格分裂年輕病人（Judah飾演）嘅病情非常沉迷，用心接近患者結果反被病人操控，與其發生關係。點知一夜溫存後患無窮，Judah嘅引誘唔止性慾咁簡單，仲係黑巫術其中一環 － 親密接觸過後，Heather靈魂同肉身會隨時被Judah交換，成為縱慾、殺人兇器！

電影有份參展6月舉辦嘅Tribeca Film Festival，當時評價相當不俗。Suitable Flesh集靈異、血腥暴力、驚嚇及情色於一身，同時保留到原著精粹。外媒Collider畀好評，指電影官能刺激十足，餘韻驚人，散場後驚嚇不散，驚足幾日！

交換靈魂橋段，好多電影、劇集都拍過。要用眼神同肢體動作，說服觀眾角色被上身，非常考演技。Heather Graham今次喺Suitable Flesh演技大曬冷，飾演心理醫生時係典型中產專業人士，一副好心腸、柔情萬種好太太樣。轉過頭被Judah上身，即時眼神都變埋，粗野狂妄自大仲好隨便，一望就知係冷血變態！

電影北美將於10月27日萬聖節上映，有機超越M3GAN成為票房黑馬！又或者會引起萬聖節扮嘢熱潮，一街都係性感女醫生！

更多電影文章

電影LOL 今期睇咩戲︳轟天猛將4／大偽術師／幸福晝鳴曲／孤注一擲／以色列鐵娘子：梅爾夫人／幸福晝鳴曲／職場新仔

電影LOL︳阿媽爭人錢走佬 新片Quiz Lady反差姊妹花玩問答遊戲上電視跑數

電影LOL︳連場打戲頂唔順 奇洛李維斯要求《殺神John Wick》導演賜死？

電影LOL︳拍完5年 12月終上映 錢國偉遺作《熱血燃燒》齊集古惑仔4主角獨欠鄭伊健

電影LOL︳《水行俠》續集宣傳啟動 Elon Musk分享舊愛Amber Heard 私照幫手做勢？

電影LOL︳姜濤台灣宣傳《我的天堂城市》 姜糖逼爆西門町 獻螢幕初吻強調有漱口

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！