電影LOL︳影壇新金童玉女 《芭比Barbie》導演Greta出任康城影展評審團主席 男友Noah執導佐治古尼新片

《芭比Barbie》成為2023年最賣座電影，票房同評價豐收，最新消息指導演Greta Gerwig 被委任為2024年康城國際影展評審團主席，屬首位美國女導演擔任此重要崗位，可喜可賀！

康城影展聲明中表示「Greta Gerwig是現代英雌，打破電影業利益主導及自我審查嘅藩蘺。以往為美國獨立電影人代表，今日成為最高票房導演，Greta將不可能變成可能，拍攝出藝術票房雙收電影，拉近藝術與商業距離，深度發掘現代女性議題，喺片廠收益目標中盡可能達至自身追求嘅藝術高度。」

Greta Gerwig以往執導嘅作品並未參與過康城影展，首次踏足康城即以評審團主席身份登場，非常特別！對上一位女性擔任康城評審團主席，已經要數到2014年由《犬山記》導演Jane Campion出任評審團主席。

而Greta事業人生好拍檔兼《芭比Barbie》編劇Noah Baumbach亦有新工作動向，繼《婚姻故事》後再與Netflix合作，執導及製作第 4部長片，據The Hollywood Reporter報導電影將由Adam Sandler及George Cloony主演！

Noah Baumbach與Adam Sandler於前作《邁耶維茨家的故事》（The Meyerowitz Stories）合作過，Adam飾演3兄弟之一，有個難搞嘅藝術家父親，要應付老父日益凋零嘅名聲，仲要處理兄弟間嘅競爭。

新作故事將與《魔法保姆》英國女星Emily Mortimer共同編寫。Noah過往作品多有Greta主演，上部長片White Noise就由Greta 擔任女主角，新作暫時未知Greta Gerwig會否參與，不過Noah之前嘅《婚姻故事》榮獲奧斯卡包括最佳影片等6項提名，非常厲害！相信呢對影壇創作力吸金力強橫嘅拍檔，所有一舉一動備受矚目！

更多電影文章

電影LOL 今期睇咩戲︳蒼鷺與少年／五月的你，十二月的她／成功補習班／熱搜／電影 光之美少女 All Stars F

電影LOL︳Barbie大賣 Mattel籌拍American Girl真人版電影 幕後主腦拍過恐怖片！

電影LOL︳《功夫熊貓4》預告片曝光 阿寶今次嘅對手係條變色龍

電影LOL︳大片齊仆直！今年14套2億美元鉅製 得呢套有錢賺

電影LOL︳金球獎《Barbie芭比》9項提名先贏《奧本海默》一仗 新增「電影與票房成就大獎」係乜？

電影LOL︳宮崎駿《蒼鷺與少年》北美開畫成票房冠軍 拎住2個影評人大獎直衝奧斯卡

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！