電影LOL︳本尊加持 女主角搶鏡「貓王嫂」Priscilla傳記片收好評 變陣強攻奧斯卡

美國A24電影公司主打獨立電影，唔拍超級英雄類爆谷商業片一樣大放異彩，近年佳作不斷 － 《奇異女俠玩救宇宙》、《鯨》、《日麗》套套囊括奧斯卡大獎。公司出品類型越嚟越廣泛，最新作品貓王前妻傳記片Priscilla於上月舉行嘅威尼斯國際影展大受好評！

電影 Priscilla 改編自Priscilla Beaulieu自傳 Elvis & Me，由《美麗有毒》、《迷失東京》Sofia Coppola執導，青春喜劇The Kissing Booth男星Jacob Elordi飾演貓王Elvis，《我們的女巫手冊》、《悍戰太平洋2：起義時空》女星Cailee Spaeny飾演Priscilla。

今次主角落喺貓王另一半Priscilla身上，以其視角講述佢自14歲於美軍基地認識貓王展開戀愛、21歲結婚後離婚嘅故事。做得傳記片少不了有貓王演出片段，不過同Baz Luhrmann套《貓王》好唔同，暫時預告片可見兩位主角無用上整容上身式演技扮貓王及Priscilla，比較多演繹人物心情，唔用「娛樂插班生」式演繹一樣好評。Cailee憑角色獲得威尼斯國際電影節最佳女演員（Best Actress），有機角逐奧斯卡影后。

貓王嘅故事耳熟能詳，卻鮮有以前妻Priscilla角度出發，電影得到Priscilla Beaulieu大力支持，威尼斯首映禮上佢睇到自已嘅故事睇到眼濕濕。外媒Deadline評價導演Coppola以細微之處，例如房間常閉嘅窗簾、近鏡手心上嘅藥丸、床頭旁嘅酒樽等，點出貓王與Priscilla之間失衡嘅關係，拍出少見嘅貓王。

電影原定於10月27日小型放映，眼見威尼斯影展反應良好，A24決定變陣改至11月3日大型放映，為攻入奧斯卡做準備。

更多電影文章

電影LOL 今期睇咩戲︳紮職2／絕對追擊／玩謝華爾街行動／忌怪島／星夢學園10th Story

電影LOL︳金馬獎入圍名單公布 姜濤「細佬」黃梓樂同林保怡爭男配角 余香凝鍾雪瑩首度角逐影后

電影LOL︳大片唔收得 片商轉攻紀錄片 Elon Musk自傳紀錄片版權爭崩頭

電影LOL︳「台版瀧澤秀明」邱澤易容式演繹 新片《最好的相遇》演智障準爸爸 觀眾認唔出！

電影LOL︳少數內地劇被日本買版權翻拍 《隱秘的角落》日片版Gold Boy大人細路齊齊dark

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！