Yahoo奇摩新聞 電影LOL︳犀利B登場！《壞蛋獎門人4》預告片曝光 犀利哥再升呢做老豆
《壞蛋獎門人》(Despicable ME)應該係近年最成功嘅系列動畫電影，2010年第一集上映至到2022年推出嘅衍生之作《迷你兵團2》，5套戲加埋全球票房超過46億美元！計埋周邊商品、版權、主題樂園等等，條數好襟計。本來係配角嘅迷你兵團，甚至搶鏡過主角犀利哥一家。
而今年暑假犀利哥一家六口將會回歸，係，6個！本身有3個養女嘅犀利哥，喺《壞蛋獎門人2》撻著女特工Lucy之後，第3集主要講犀利哥搵孖生兄弟，點知去到第4集，犀利哥已經升呢再做老豆，不過今次由BB湊起，應該相當考起。
《壞蛋獎門人4》嘅預告片今日曝光，片段所見犀利哥同Lucy個仔Gru Jr.似乎同其他B仔一樣，黐媽咪多啲。湊仔之餘，犀利哥當然要繼續同其他壞人周旋，今集一嚟就2個，係逃獄犯Maxime同佢女友Valentina，搞到犀利哥一家六口同埋一班迷你兵團要搵地方匿。有B就有弱點，犀利哥似乎要救B仔兼撐起頭家，而迷你兵應該幫到手……啩。
犀利哥英文版繼續由Steve Carrell配音，至於死對頭 Maxime就會係Will Ferrell聲演。香港版過去都係由黎耀祥為犀利哥發聲，Lucy就係由陳法拉配音，而家法拉喺荷里活發展，唔知港版「犀利嫂」會唔會變聲呢？電影將於7月3日北美上映。
更多電影文章
電影LOL 今期睇咩戲︳祖宗膠戰外星人2／反貪風暴之加密危機／鬼聲陰／新活日常／莫斯科行動／小曉／三大隊／味遊心窩
電影LOL︳《芭比》失落奧斯卡最佳導演女主角提名話題發酵 希拉莉楊紫瓊發聲撐
電影LOL︳《奧本海默》13提名冠絕本屆奧斯卡 《芭比》Margot Robbie爆冷無緣爭影后
電影LOL︳奧利華史東開地圖炮 鬧Ryan Gosling拍《芭比》嘥時間 John Wick睇到瞓著
電影LOL︳DC動漫人物版權陸續失效 《超人》2034年到期準備被惡搞
電影LOL︳Adam Sandler繼續行演技派路線 新片Spaceman同外星蜘蛛傾心事
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
