電影LOL︳老公前妻鬼魂返嚟！史提芬史匹堡30年來監修首套驚慄片 被睇好拍得住《魔鬼怪嬰》

大導演史提芬史匹堡相隔30年，再次推出驚慄新作！根據外媒The Deadline獨家報導，環球影業2024年第1單Deal就係同史匹堡及《變種特攻》系列編劇Simon Kinberg聯手打造新片Long Lost。

Long Lost由新一代荷里活才子Colin Bannon創作，故事講述新婚人妻本以為過幸福生活，點樣丈夫死鬼前妻突然回歸，引發一系列駭人事件。前妻重現，係為咗奪回失去嘅嘢，還是別有用心？

Bannon暫時編劇作品唔算多，觀眾未必識佢，但業界就一定知！美國有個The Black List嘅平台，方便劇作家與製片人sell劇本、戲橋，所有喺平台出版嘅劇本仲會得到專業評分，每年仲有荷里活高層票選最鍾意但未拍成電影或劇集嘅劇本，而Colin Bannon連續7年上榜，可以話係受到荷里活高層認可及注視！

而Colin Bannon嘅作品亦陸續有電影公司垂青，Tri-Star Pictures購下Bannon一套叫Ultra嘅劇本；而Netflix就一口氣買咗佢嘅First Ascent及Holdout劇本，後者仲得到《隱形客》、《使女的故事》女星Elsbeth Moss親自執導及主演。Bannon原創戲軌及劇本越嚟越搶手，相信Long Lost有過人之處，吸引大導演出手要親自監製。

史提芬史匹堡鮮有驚慄類型作品，多年前曾同驚慄小說大師Stephen King合作拍鬼片，但最後因為故事點子太多，各自互相游說自己條橋，結果拍唔成！Long Last被業界攞嚟同經典驚慄片《魔鬼怪嬰》（Rosemary’s Baby)、《咫尺閃靈》（What Lies Beneath）相提並論。事隔多年大導演再次接觸驚慄題材，令人期待！雖然暫時只為電影監製，至於將來會否接你執導唯有拭目以待。

更多電影文章

電影LOL 今期睇咩戲︳潛行／墮下的對證／一球翻身／前任4: 英年早婚／瞞天過海／青春豬頭少年不會夢到紅書包女孩

電影LOL︳惡搞米奇無手尾！血腥暴力新片Mickey's Mouse Trap 點解唔怕迪士尼告？

電影LOL︳影后茱迪科士打鬧爆新世代2宗罪︰遲到！Email文法錯晒！

電影LOL︳第81屆金球獎 《奧本海默》連掃最佳電影等5大獎

電影LOL︳回到12年前 2023年香港戲院票房總收入僅14億元

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！