Yahoo奇摩新聞 電影LOL︳荷里活世紀爛片王The Room 居然都有人翻拍！
荷里活近年無橋到一個點，就係咩戲收得少少都會有續集、外傳、角色宇宙，甚至「重啟」一啲只係面世十幾廿年嘅賣座片，擺明搵食大晒。
好戲翻拍，都明嘅。爛片都有人吼？有，只要夠爛就得，越爛越愛！
由長毛電影人Tommy Wiseau自編自導自演嘅荷里活世紀爛片王The Room，今年面世20周年，呢套cult界經典傳出會拍「重啟版」，為美國愛滋病研究基金會amfAR籌款。而男主角Johnny就會由經典美劇Breaking Bad以及衍生作Better Call Saul嘅男主角Bob Odenkirk飾演。Bob Odenkirk亦已經證實了一切，仲話玩得好爽！
The Room有幾爛？堪稱災「爛」！評分網IMDB上佢得到3.6分，但係有9萬幾人評過分，證明真係好多人「聞風而至」咁去睇下套戲有幾爛。The Room 可以話係「愛情片」，故事以白領Johnny嘅未婚妻Liza，居然勾引未來老公好友Mark而展開，睇完一定令你懷疑人生，以及反問「我到底睇咗啲咩？」。劇情犯駁之外，仲有好多離奇拍攝技巧，例如用電腦特技常見嘅「綠幕」去key個天台景，而唔係拍外景……據聞導演要求劇組嘅拍攝器材，係自己出錢買，而唔係行內常見做法咁去借。
由於The Room太爛太古怪，反而成為「流行經典20年」，甚至主角之一Greg Sestero將過程撰寫成書，仲被Seth Rogen拎嚟拍成電影《荷里活爛片王》。不過而家有傳原版The Room導演Tommy Wiseau睇到報導先知作品被翻拍，亦好似冇人搵佢拎版權……
更多電影文章
電影LOL 今期睇咩戲︳沙贊！眾神之怒／那個男人／中國乒乓之絕地反擊／平凡英雄
電影LOL︳楊紫瓊關繼威「全家」新劇重逢 《西遊ABC》吳彥祖演孫悟空
電影LOL︳金草莓獎謝拉列圖成最爛影帝 兩屆金像影帝湯漢斯都有獎攞？
電影LOL︳重啟版《忍者龜》動畫8月登場 搵Seth Rogen主理應該兒童不宜
電影LOL︳《洛奇外傳：王者之後3》全球3日收1億 創運動電影最高開畫紀錄
電影LOL︳《奇異女俠玩救宇宙》導演二人組唔拍片玩影相 向日本特攝片致敬
電影LOL︳戲院跑數新招 美國AMC院線出爆谷 層遞式票價 負評如潮
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
