電影LOL︳7500萬美元幾乎倒落海 華納本賜死《小鳥嗶嗶》真人動畫電影 一個原因救返

去年片商華納人事大變動之下，用咗1億美元製作嘅《蝙蝠女》(Batgirl)，喺新CEO David Zaslav新官上任三把火之下，即使已經做緊後期就快埋尾，都被「賜死」宣布停工。另一套作品以北美著名驚嚇搞笑動漫《狗狗震》開發嘅Scoob! Holiday Haunt ，同樣開咗工都要胎死腹中。

以為《芭比》大賣可以令華納士氣大振兼漸入佳境之際，又傳出另一套製作中新戲夭折。以華納其中一個招牌作Looney Tunes角色小鳥嗶嗶(Road Runner）及威利狼(Wile Coyote）開發嘅真人x動畫嘅電影Coyote vs. Acme，即使已經拍好晒隨時上得，上星期都被官方宣布取消發行。大家以為7200萬美元同幕後一番心血要倒落海，甚至有傳華納內部打算搞個「喪禮」將套戲播一次俾自己人「瞻仰」，點知唔夠幾日，華納立場180度U TURN，以快過小鳥嗶嗶嘅速度宣布收回決定，將套戲賣俾其他平台發行，而家有傳Amazon係頂頭大熱買家。

點解唔駛死，據外媒報導，Coyote vs. Acme喺內部試映嘅反應唔錯，甚至有製作人話套戲係繼80年代同類真人＋動畫片《夢城兔福星》之後最好嘅一套。查實Coyote vs. Acme牌面唔差，由現任DC主腦James Gunn監製兼執筆撰寫原創故事，主角又由「趙喜娜」John Cena，甚至原本被安排今年暑假檔孭飛，不過舊年4月華納動盪之際被撤檔，最後更差啲冇命。而家救得返，同James Gunn係DC主腦呢點有冇關？

更多電影文章

電影LOL 今期睇咩戲 ︳Marvel 隊長2／錄陰帶／永恆的記憶／東京復仇者2 血腥萬聖節篇-決戰／燃冬

電影LOL︳Y2K青春片Mean Girls翻拍音樂劇版 當年女主角變晒中女拍超市廣告

電影LOL︳聲勢不及Netflix Disney+ Apple TV＋買起Snoopy搶收視

電影LOL︳12月飛東京動漫節睇星！同新田真劍佑Benedict Cumberbatch合照唔駛2千蚊

電影LOL︳80年代經典笑匠 丹尼迪維圖有意拍《掟阿媽出火車》續集

電影LOL︳《真的戀愛了》編劇再寫佳節故事 Genie釋放二千年精靈爆笑魔法

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！