電影LOL︳80年代經典笑匠 丹尼迪維圖有意拍《掟阿媽出火車》續集

今日呢篇係畀啲成熟觀眾睇，各位小寶寶可以跳過～～

咁到底要幾成熟先知今日篇文講咩？well，你睇過／聽過《掟阿媽出火車》(Throw Momma From The Train)未先？套戲講2個男人，一個係寫作導師，小說畀前妻偷橋；一個係媽寶，但阿媽係皇太后迫得太緊。2位苦主想解決呢2位身邊嘅女人，點知真係坐言起行出手，變成一齣黑色喜劇。

《掟阿媽出火車》已經係1987年嘅戲，男主角係丹尼迪維圖(Danny DeVito)同Billy Crystal。七八年代，丹尼迪維圖拍過唔少喜劇，《掟阿媽出火車》係代表作之一，另一套係同大隻佬阿諾舒華辛力加合演嘅《龍兄鼠弟》，演孖生兄弟。係，我冇打錯，孖生兄弟。身高唔夠1米5嘅丹尼迪維圖同1米88嘅阿諾舒華辛力加嘅身高反差，令《龍兄鼠弟》成為其中一套全球大熱喜劇，當年全球收過2億美元。

丹尼迪維圖近年最為人熟悉嘅演出，可能係美劇It’s Always Sunny in Philadelphia。假如要用大家比較易理解嘅方法形容，咁可以稱丹尼迪維圖為……「荷里活曾志偉」。「西洋志偉哥」呢期接受訪問，提到2套當年力作，佢話本來都有跟進，想再拍新篇。但丹尼迪維圖就話，如果唔係阿諾舒華辛力加走去從政做咗加州州長，《龍兄鼠弟2》一早拍好，而家佢同大隻佬都傾緊搞啲project仔，但唔會係《龍兄鼠弟2》。

另一套代表作《掟阿媽出火車》，丹尼迪維圖就話同Billy Crystal有度過開續集，名都諗好埋，叫《掟阿爸出火車》(Throw Papa From The Train)，雖然未有進展，但雙方都想再合作。從丹尼迪維圖口風，《掟阿爸出火車》似乎比起《龍兄鼠弟2》更有機會開得成。

更多電影文章

電影LOL 今期睇咩戲︳白日之下／周處除三害／夜校／Taylor Swift: The Eras Tour／數碼暴龍02 The Beginning

電影LOL︳《真的戀愛了》編劇再寫佳節故事 Genie釋放二千年精靈爆笑魔法

電影LOL︳張孝全王丹妮演影集重現苦力血淚史 下月赴中美洲開工

電影LOL︳龍年賀歲檔港產片混戰 郭富城林家棟任賢齊《臨時劫案》迎戰《盜月者》《飯戲攻心2》

電影LOL︳拍唔成《蜘蛛俠》大衛芬查自爆同片商恥笑原著故事好低B

電影LOL︳台灣導演侯孝賢被爆患腦退化症導演生涯終結 舒淇主演《刺客聶隱娘》成最後作品

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！