Yahoo奇摩新聞 電影LOL︳NFL 超級碗廣告黃金時段 《銀河守護隊3》《狂野時速10》《閃電俠》重本公開大片預告
美國時間星期日晚係美式足球NFL第57屆Super Bowl決賽之戰，絕對係當地年度大事之一。超市會推晒啲薯片啤酒出嚟，Pizza雞翼外賣生意忙個不停，酒吧更加唔駛講有幾好生意。個個雙眼都望住電視，喺呢個年代都真係難能可貴，難怪向來最貴嘅Super Bowl廣告時段依然好好生意，30秒廣告時段盛惠600－700萬美元。今年Super Bowl廣告時段有個現象，就係去年幾間虛擬幣公司都大灑金錢大賣廣告，但過去一年唔少虛擬幣都大跌價，就連交易平台FTX都破產，令到今年廣告時段一個虛擬幣相關廣告都冇！
至於電影公司，仍然掟錢出嚟為旗下大片喺Super Bowl廣告時段推唔同長度預告片，包括以下呢幾套︰
奪命狂呼6
Adam Driver新片 65
龍與地下城：盜亦有道
超級瑪利歐兄弟大電影
銀河守護隊3
狂野時速10
變形金剛：狂獸崛起
奪寶奇兵之命運時鐘
閃電俠
王者之後3
雖然個廣告時段咁貴，但係套套大片嘅廣告同預告片……都幾冇特色。稍為搶眼嘅可能係《閃電俠》，雖然男主角Ezra Miller多次犯事影響形象，但係預告片中見到第一代真人版蝙蝠俠米高基頓現身，呢下驚喜已經打贏其他幾套同時段推廣告嘅大片。
另一個同電影有關嘅驚喜廣告，就係Netflix同通用車廠(GM）CROSSOVER嗰條，搵Will Ferrell遊走於唔同Netflix作品，包括Stranger Things、Bridgerton同埋《魷魚遊戲》，算係將2個品牌嘅訊息揉合融和。
更多電影文章
電影LOL︳想見你 ／ 流浪地球2／TÁR ／ 花路阿朱媽 ／ 輝夜姬想讓人告白－永不結束的初吻
第41屆香港電影金像獎提名名單 《正義迴廊》16項提名 呂爵安柳應廷爭新演員獎獨欠姜濤
電影LOL︳Marvel《神奇四俠》落實開工日期 主角人選今年揭曉
電影LOL︳《奪命狂呼》翻炒收得 輪到《舊年暑假搞乜鬼》拍新版
電影LOL︳Marvel宣傳《蟻俠》新片識玩！戲中爆料新書真係有得賣
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
