香港人在北京｜秘書小莉成焦點 姚筱筱外貌甜美擁虎牙被稱「虎牙女神」

TVB熱播劇集《香港人在北京》由陳展鵬、吳若希、洪永城和戴祖儀主演，講述物業管理公司高層徐港仁（陳展鵬飾）因投資失利而身家暴跌，卻獲委派到北京分公司出任CEO一年，與太太Helen（吳若希飾）齊齊北上展開新生活。周二（10日）播出嘅第二集引起討論，劇情講到陳展鵬上班第一日即遇上語言和文化差異，向女秘書小莉提出需要「尿袋」（外置充電器），令對方以為佢腎虧並馬上傳遍整個辦公室，陳展鵬向員工問責時，小莉先知道原來陳展鵬提及嘅「尿袋」即係「充電寶」，相當搞笑。

呢幕除咗劇情逗趣，更令唔少觀眾留意到小莉，並大讚佢好索。呢名扮演小莉嘅演員其實係內地演員姚筱筱（Cola），笑容甜美，擁有虎牙相當可愛，被貫以「虎牙女神」之稱，又被指撞臉阿Sa，被稱「小阿Sa」。姚筱筱具有唔少嘅演出經驗，代表作包括內地劇集《亞特蘭蒂斯之戀》及《良辰好景知幾何》，另外亦曾出演《盲盒哥哥》、《報告他倆是假兄妹》及電影《粉紅櫻與大眠王》；又曾於2018年參加內地青年勵志紀實節目《青春的征途》，到中國四個極艱苦嘅地方完成公益任務及挑戰。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載