Yahoo奇摩新聞 
香港電訊業歷史性一刻：HKT 宣佈 5G 正式啟動！
文章來源：Qooah.com
香港 5G 網絡發展已經講咗一段頗長時間，由頻譜拍賣以至到訊號測試前後都經歷數年時間。今日一踏入 4 月 1 號，香港電訊 (HKT) 已經正式宣佈旗下 5G 網絡正式啟動，CSL Mobile 成為全港首間 5G 電訊商。
HKT 今日發出新聞稿，宣佈已於 4 月 1 日凌晨率先正式啟動 5G 網絡，成為香港首家流動通訊服務營運商提供真正 5G 服務。
csl. 於 3 月 19 日時已經公佈咗 5G 收費計劃，最低月費由 $198 起可享 8GB 5G 本地數據，其餘仲有 12GB、80GB、150GB、300GB，月費分別係 $298、＄398、$498、$698。詳細可睇返我地早前報導：連結按此。
香港電訊表示，旗下 5G 服務推出首階段時，網絡能無縫覆蓋主要黃金地區，包括銅鑼灣、灣仔、金鐘、中環、上環、尖沙咀、佐敦、油麻地、旺角、紅磡及土瓜灣；指定 14 家 csl 及 1O1O 專門店；主要基礎設施如香港國際機場；大型商場包括太古城中心、海港城、國際廣場、K11 購物藝術館、K11 MUSEA、MegaBox、美麗華廣場及太古廣場等。太古廣場及太古城中心更已計劃短期內提供全面的 5G 覆蓋。香港電訊會繼續伸延網絡覆蓋至全港各區及主要港鐵線路。
為您推薦更多相關文章：
CMHK 5G 覆蓋率究竟有幾多？5G Plan 又有新花款
