馬國明內地出席活動排場超勁 與孔德賢極大對比 完活動急返港慰妻

馬國明與湯洛雯上個月於泰國蘇梅島完婚，之後齊齊於社交平台大曬婚禮照及甜蜜婚照，馬國明第一時間向湯洛雯表示感謝，因而被網民封為「愛妻號」。上周六（30/12），馬國明到武漢出席品牌活動及舉行見面會，工作完畢後急急回港與湯洛雯倒數，簡直係好老公。當日活動中，馬國明到場時排場十足，現場至少逾10名保安手牽手企喺兩排左右及後面為佢開路；而馬國明全程表現亦相當親民。

馬國明當日以黑白簡約配搭出席活動，甫到場就不斷揮手與群眾打招呼，加上全程保持笑容，有網民更向馬國明發放想握手嘅要求，馬國明不但願意握手，亦向對方表示：「你好」，被粉絲激讚靚仔又零架子；就連與品牌老闆和員工影大合照時，都被身旁疑似係店內高層嘅女士撓住佢手及做出愛心手勢，馬國明依然笑容滿面。孔德賢僅跟住馬國明後面；對比之下，馬國明受歡迎程度爆登。不過，孔德賢直言有份到內地賺外快感到開心，及極享受活動中嘅唱歌表演。

除咗品牌店舖活動之外，品牌亦有舉辦見面會，同場更加埋丁子朗及胡鴻鈞，期間馬國明大開金口唱歌，更被當地民眾嘅熱情感動到，並話感謝武漢朋友嘅熱情，希望有機會可以同佢哋再見面。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！