麥明詩性感吊帶裙超吸睛 網民笑指似茶餐廳外賣紙杯

現年31歲嘅「十優港姐」麥明詩（Louisa）喺2019年離巢TVB，並淡出娛樂圈轉戰法律界轉行擔任商業顧問，不過佢依然會透過社交網站同網民互動，偶爾拍廣告及出席品牌活動。離巢後嘅麥明詩除咗言論之外，甚至連衣著打扮都愈見大膽，不時大晒性感相派福利。近日，佢同陳凱琳、馬天佑等人出席活動飯局，當日穿著嘅橙色吊帶裙美艷動人，不過就被網民錯重點，笑指條裙好似茶餐廳嘅外賣紙杯。

近日，麥明詩同陳凱琳、馬天佑等人盛裝出席活動飯局，品嚐美酒佳餚，從Louisa上載嘅照片所見，佢哋都著上疑似係大會要求嘅橙色dress code，而Louisa就著上性感Deep V橙色吊帶裙。吸睛程度滿分嘅Louisa被網民大讚靚，例如「好靚女」、「真係靚爆鏡」及「條裙好靚，好合適，好靚」等等。不過同時亦有網民錯重點，笑指條裙好似茶餐廳嘅外賣紙杯，留言話：「條裙個print好似茶餐廳啲外賣杯」、「依條裙有D似外賣奶茶杯」及「係外賣紙杯呀，明詩。。」等等，唔知大家又覺得似唔似呢？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！