Yahoo奇摩新聞 10個損友特徵
（圖片來源：popkey）
有人話朋友其實就好似星星一樣來去無蹤，而最後剩底落黎嘅先至係最光最亮嘅最好朋友。其實呢個講法亦都真係唔係無根據架，正所謂物以類聚，我地最好嘅幾個朋友，多數都係最似自己同埋同自己最投契個幾個。
但喺識朋友嘅時候，難免都會遇到一啲同你扮frd，但隨時會喺您背後插一刀嘅損友。咁究竟點先會分得到呢類嘅假朋友出黎呢？或者你就要留意下以下10點：
1. 記仇
（圖片來源：Giphy）
有部分人當覺得有人得罪左佢嘅時候，就會變得寸步不讓，而且永遠都會將目標認定為自己嘅敵人，非常記仇。遇到咁嘅人嘅時候，或者你就要祈求自己永遠唔會踩親佢條尾，如果唔係就一定會永不翻身，之前有幾好朋友都可以一掃而空。
2. 吹毛求疵
（圖片來源：Blogspot）
如果一個人經常都對佢同你身邊嘅事物吹毛求疵，成日又多多要求好難服侍嘅話，同佢相處落就會令你感到非常煩厭。遇到啲咁嘅人嘅時候，千祈唔好再鼓勵有咁嘅性格佢落去，如果唔係佢地一定會變本加厲。
3. 做人無任何餘地
（圖片來源：Gurl）
唔係黑就一定係白，咩嘅事情都唔會有第3條出路，而且更加係你唔認同佢你就係佢嘅敵人。無商無量任得佢講嘅朋友，如果你甘心被佢牽著鼻子走就一齊啦。
4. 有彩自己拎
（圖片來源：Gurl）
明明兩個人一齊完成嘅事，佢都可以講到係自己一力完成咁，完全抹殺你所有功勞？咁樣證明左佢只係想利用你，而唔係想同你一齊作戰嘅朋友。
5. 講你壞話
啱啱同朋友A講左一個秘密，本身應該就只有朋友A知道，但突然之間竟然身邊所有嘅人都知道晒，仲要中間係有人加鹽加醋？唔使講啦，快啲同朋友A橫清界線，呢啲人根本唔值得你做佢嘅朋友。
6. 唔抵得你好
當你遇到好人好事嘅時候，好朋友應該係會替你開心，但相反係損友嘅話，佢地就一定會非常妒忌，唔會為你覺得開心之餘仲可能會唱衰你。
7. 鐘意放暗箭
講野前言不對後語，呢頭話會撐你但轉過頭就唔記得左，仲喺其他人面前數落你？係朋友又點會咁做呀？！
8. 無憐憫心
你出左事唔單止唔安慰你，仲即刻失蹤唔睬你？佢感受唔到你嘅痛楚嘅話，你亦都唔需要再花時喺佢地身上，唔需要重視佢地。
9. 有佢講無你講
任何時間一班人齊齊講野，佢地都唔比機會你出聲，只有佢地講而無你講。更甚嘅係當你出聲嘅時候，佢地仲會無視左你將你把聲掩蓋左。咁仲邊係朋友黎呢？你同紙板公仔無咩分別喎咁！
10. 利用你嘅感情
如果佢地會利用你感情黎攻擊你，例如你明明已經好灰心，佢仲落井下石真心踩底你，而唔係好朋友咁笑還笑但其實更加係關心緊你，咁你就一定要提防呢類人。
【原文連結】
10個損友特徵
