Yesnews Style

10款熱爆雪糕雞蛋仔加咩toppings最正？

Yesnews Style

2016年4月5日上午12:43

夏天就快到，食雪糕幾乎都係指定動作，但無論雪糕就算再「突破」，都只係不停轉新口味，如果可以將雪糕同另一啲甜點放埋一齊，齋睇賣相，相信已經贏咗一半。近日喺網上就熱傳一款雪糕，佢最特別之處在於係加入咗香港街頭小食雞蛋仔，夠哂本土之餘，仲可以有千變萬化既組合！

（圖片來源：https://img.buzzfeed.com/buzzfeed-static/static/2016-03/26/12/enhanced/webdr04/enhanced-3424-1459008647-6.png?no-auto）

原味雞蛋仔加入雪糕之後，即使雪糕係最普通既雲呢嗱味都好，只要喺上面加入少少彩色朱古力碎屑，咁賣相上除咗白雪雪既雪糕上面有彩色點綴之外，相信仲會幾好味添！

（圖片來源：https://img.buzzfeed.com/buzzfeed-static/static/2016-03/26/11/enhanced/webdr09/enhanced-5547-1459007435-1.png?no-auto）

食雪糕都可以叫雙球啦，加咗雞蛋仔之後又點會例外先？仲可以叫夠三球，然後喺每球雪糕上面各自加入一種toppings，一次過滿足哂幾個願望，啱哂嗜甜如命既人，唔使分開幾次食，方便得多！

（圖片來源：https://img.buzzfeed.com/buzzfeed-static/static/2016-03/26/12/enhanced/webdr09/grid-cell-15837-1459011380-4.jpg）

如果轉嚟轉去都只係雪糕既口味，咁就未免太沉悶喇，不如試吓轉雞蛋仔既味啦！今次呢款係綠茶口味既雞蛋仔做底，雪糕就揀咗朱古力味，嫌咁多種味加埋一齊太多？不如由toppings著手，揀幾種水果同小麻糬，有咬口得嚟又會感覺清新啲。

（圖片來源：https://img.buzzfeed.com/buzzfeed-static/static/2016-03/26/12/enhanced/webdr10/enhanced-17681-1459008962-6.png?no-auto）

如果你係綠茶同朱古力既至愛，呢款相信最啱你！綠茶同朱古力既分佈都刻意做到剛剛好，先係雞蛋仔同百力滋都係綠茶味；而朱古力味既就係個雪糕，同淋喺上面既朱古力醬，咁就每一口都充滿綠茶混合朱古力既味道啦！

（圖片來源：https://img.buzzfeed.com/buzzfeed-static/static/2016-03/26/12/enhanced/webdr11/enhanced-12417-1459009235-1.png?no-auto）

將食物放入口之前，如果賣相夠特別、好睇的話，一定食得更開懷。好似呢款雪糕咁，雪糕用雲呢嗱味，做「背景」既雞蛋仔亦用咗原味，就咁睇顏色好似有啲單調；係個雪糕球上加入彩色既cereal，同一塊切成花瓣一樣既士多啤梨，成個賣相即刻靚哂！

（圖片來源：https://img.buzzfeed.com/buzzfeed-static/static/2016-03/26/12/enhanced/webdr10/enhanced-18648-1459009998-8.jpg?no-auto）

五顏六色既toppings，或者將多種口味放埋一齊，未必個個接受到，咁就可以好似呢款雪糕咁，由顏色著手，用黑白色做主調，而口味亦係較common既曲奇味。

（圖片來源：https://img.buzzfeed.com/buzzfeed-static/static/2016-03/26/12/enhanced/webdr11/enhanced-13363-1459009090-1.png?no-auto）

如果你嫌啲醬同雪糕都係朱古力味會over咗，但又想要少少朱古力既時候，不如考慮吓從toppings入手，就係雪糕上面加啲M&Ms，等到邊食雪糕同雞蛋仔既時候，仲可以一併食埋朱古力。

（圖片來源：https://img.buzzfeed.com/buzzfeed-static/static/2016-03/26/12/enhanced/webdr09/enhanced-17684-1459009889-1.jpg?no-auto）

呢款甜品既雪糕就係士多啤梨味，toppings就係麻糬，但今次個重點應該放喺淋上雪糕既煉奶，覺得呢個配搭好怪？感覺大概好似食凍冰冰既芒果布甸時，上面一定要淋啲煉奶咁。

（圖片來源：https://img.buzzfeed.com/buzzfeed-static/static/2016-03/26/12/enhanced/webdr10/enhanced-17021-1459009942-3.jpg?no-auto）

又係另一個色彩繽紛既代表，而且今次味道仲會更豐富，佢結合咗朱古力味雞蛋仔，又有士多啤梨味既雪糕球，而最豐富既一定係toppings，包括有M&Ms，士多啤梨，仲有最特別既一定係加埋fortune cookie。