《Amazing Summer》排位戰 李佳芯反高潮 發力企中間贏頭炮
又到暑假,相信大家都想有個Amazing Summer!日前無綫就舉行《Amazing Summer 2020》記者會,宣布嚟緊暑假嘅節目,大大話話就有幾十個TVB藝員出席,佔咗大部份都係無綫上位小生同小花,呢個時候,梗係要睇吓大合照排位戰啦!啱啱被放出雪櫃嘅李佳芯,竟然反高潮企正第一排中間位,喺正高層杜之克隔離,個位仲正過視帝王浩信,劇集未播已經贏咗頭炮,認真Amazing !
內文:東方新地
一年一度嘅《Amazing Summer》記者會,日前在電視城舉行,宣布TVB將於暑假推出的一連串節目,出席嘅幾十個TVB藝員,當中除咗視帝王浩信同視后李佳芯,代表嚟緊會播嘅兩套劇《殺手》同《反黑路人甲》,其餘出席嘅大部份都係上位小花,想知邊個被力捧,又係排位戰輪高低嘅時候。
新劇解封!《殺手》6月尾開播!
之前因為政治取態被入雪櫃嘅李佳芯,由她同兩大視帝陳豪、黎耀祥主演嘅《殺手》,今個月29日見街,成功爬出雪櫃嘅佢,當然要為冰封咗嘅事業重建曙光發力啦!呢日佢就被安排同王浩信企正前排中間位置,伴住兩大高層杜之克同余詠珊,戰鬥力好強!
馮盈盈、江嘉敏船P是非成焦點
而近期劇接劇開工嘅張振朗就企喺Ali隔離,上位小花方面, 湯怡、馮盈盈都喺前排當眼位,而近期搞是搞非同湯盈盈鬧不和嘅江嘉敏,就被安排去咗第二排,地位同人氣明顯畀馮盈盈力壓。
《姊妹淘》新班底翡翠台復活
新晉小花企位亦鬥得難解難分,之前憑《機場特警》有突出表現嘅何依婷,亦已經上位企在第二排,貼近江嘉敏還仲贏埋企第三排嘅戴祖儀。
延伸閱讀: