COLLAR新歌《Speak Love》造型大翻身 Gao獲網民激讚：終於同造型師和好如初

女團COLLAR喺噚日（27日）推出年度第三首團歌《Speak Love》，歌曲以愛情為主題，展現現代女性對愛情嘅態度。由於上次《IDC》造型師失手釀成時裝車禍後，今次《Speak Love》嘅造型貼近新歌嘅甜蜜曲風及COLLAR成員嘅氣質，成功大翻身，網民紛紛留言激讚造型靚到癲。

COLLAR喺上次《IDC》嘅造型被網民劣評，尤其係隊長Gao型格嘅妝容及一頭紅髮，被網民指佢好似中咗毒，仲被叫「Gao唔掂」。嚟到今次《Speak Love》，Gao化上淡妝配上一頭啡色長髮，服飾冇跨張多餘嘅設計，所以網民紛紛留言大讚Gao好靚，例如「Gao掂，終於同造型師和好如初」、「今次個造型gao 得掂了 保持加油」、「造型師終於正常一次」、「餃隊長好natural ，好簡單就已經好掂」、「Gao返掂，其實一直都咁靚，之前style都好型」、「阿gao呢個look好得呀」、「化番正常妝，即刻變靚gao」、「終於似返個人 之前妖孽咁款 Now Gao得掂」、「Gao 個造型終於變返正常啦 好靚！」及「想講，Gao今次令人眼前一亮啊！」等等。

除咗Gao嘅造型被激讚之外，其他成員嘅造型同樣獲得讚賞：「好開心呀佢地真係有聽我地嘅意見幫Collar整咗個咁靚嘅MV! 終於唔係奇怪造型！ 今次要讚返造型師！ 喺呢個MV個個都好靚！特別係Day, 咩事呀靚到痴線！」、「今次MV拍到個個都好靚 好開心佢地對鏡頭越嚟越識點去捕捉，唱歌都進步左」、「七個都好靚， 各有特式！！！ 今次COLLAR一次過比過大家， 100%率直情歌。」、「好靚❤好聽❤加油啊girlssssss牙餃同其他姐妹都好好好好好靚 唱歌都有進步好多！mv好睇❤祝快破1M!!!」、「今次風格同造型都好好」、「好高質嘅mv,超好聽嘅歌,重（仲）有係比呢7個靚女攪到流曬鼻血」、「超讚MV, 超靚造型, 超愛COLLAR~!!加油呀你地咁多位~」、「黐線！簡直靚到癲❤❤❤ 點解我唔係導演」及「黑色造型幾SEXY, 彩色造型就好SPORTY , 特別讚GAO, CFU 同SUMLING 造型好靚 首歌個節奏聽得好舒服, 好開心, 驚喜係有陳導, 但陳導自肥可恥, SOMA 獻出螢幕初吻?」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！