iPhone X 真係有得炒? 華強店主親自講你知真相

今日下午 3:01 , 幾乎整個香港都在搶 iPhone X , 搶到即日IR 朋友當然笑呵呵啦 . 網上多家媒體都報導話 iPhone X 即日收價幾高幾高 , 閑閑地都賺過萬一部 , 究竟實情又會係點 ? 筆者傍晚即上中國最大收機中心「華強北」 , 找來相熟的收機仲介小張(化名)了解一下真實情況 .

小張係行內都已經係老行家 , 小張就表示 iPhone 8 炒唔起亦係因為人人都等 iPhone X 到來 , 不過 iPhone X 似乎亦未如傳聞中的高收機價 .

小張指出「iPhone X 的價格本身很高 , 但中國方面的「蘋果網店」(Apple Store)似乎亦未停止供應(編按:的確到晚上8時半仍可訂購) , 只要願意等 , 一個月之後就會有貨 . 現時願意貴買的人都是一些想炫富的 , 市場上這類人不多 , 貴一萬(人民幣。下同)還是等一個月？估計大部份人還是願意等一個月 , 畢竟很多人一個月還是賺不了一萬。」

估計大家最關心嘅應該係收價 , 筆者亦向小張查詢 . 小張就講明而家講收價都係不切實際 , 因為個價好浮動 , 佢只係講暫時預計收價 . 64GB版暫時估計首日收價會係 15000元(約HK$17588) , 而 256GB版估計收 16000元(約HK$18760). 不過佢就強調 , 如果即日收機多 , 64GB 可能只有10000元左右(約HK$11700) , 而256GB 最多亦不超11000元(約HK$12900) .

被問到點睇 iPhone X 後市 , 小張表示「希望這炒風維持到 1個月 , 當然是希望而已 , 估計半個月左右已經會回落到原價或更低 .」

每年小張都會聯同幾個「兄弟」落香港收機 , 佢就表示今年都唔會例外 . 佢話今年主力收 64GB , 以太空灰為主 . 而今年已經在香港預備有重金作即日及次日收機用 .

由此睇嚟今次 iPhone X 未有炒燶 , 不過如果話穩賺 1萬 , 似乎亦不太可能

此文章原刊於 Qooah.com

為您推薦更多相關文章：

Apple 腰斬 iPhone 8 訂單, 全力生產 iPhone X

csl. The Club 明益你? 原價搶 iPhone X , 仲要日日有!!