JPEX案｜29歲TVB藝員鄭雋熹涉案被捕 憑《十八年後的終極告白》飾少年陳山聰為人認識

虛擬資產交易平台JPEX涉嫌詐騙案喺今日再有新進展，繼今朝喺屯門拘捕一名男子後， 再喺大埔拘捕一名29歲男子，有指該名男子係TVB藝員鄭雋熹。

現年29歲TVB藝員鄭雋熹，曾喺澳洲悉尼Macquarie University修讀傳播學，2017年加入第29期藝員訓練班，並於2018年3月出道，簽約成為TVB合約藝員，入行以嚟佢參演過唔少劇集，例如《兄弟》、《鐵探》、《逆天奇案》及《青春本我》等等，當中以《十八年後的終極告白》中飾演沈敬一（陳山聰飾）嘅少年版而開始為人認識。佢亦有擔任主持工作及參與真人騷節目，與陳俊堅、姚宏遠、程浩駿、林浩文一同為節目《七線人棄王》做主持及參加跳舞真人騷節目《盛·舞者》並獲得得第4名等等。另外，佢喺去年舉行嘅《萬千星輝頒獎典禮2022》中與阮政峰、鄭雋熹、黃耀煌及周嘉全合唱《我們都是這樣長大的》，之後陳展鵬、馬國明、陳煒及江美儀先後出場講述與各人合作嘅點滴。

有指鄭雋熹擅長於投資股票及虛擬貨幣，佢喺今年6月曾與社交網站拍片，並以「阿熹百科」嘅身份分析幣圈嘅大小新聞。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！