MIRROR演唱會今晚亞博開鑼 成員IG出PO分享感受

人氣男團MIRROR將於今日（15日）至2月3日假亞博舉行16場「MIRROR FEEL THE PASSION CONCERT TOUR 2024 · HONG KONG」演唱會，早前喺演唱會綵排期間，副隊長Anson Kong及成員Alton已經喺社交網站出黑圖放負笈發千字文吐苦水，嚟到開騷前夕，多位成員喺社交網站分享個人感受。

Anson Kong上載個人背影照，然後寫上「明天見🔥」，然後再喺今午上載個人照片，寫上：「Day 1💜」；Edan上載自己坐喺舞台上嘅照片，並寫上：「明天見🌈 Goood Show!!🔥🔥」，之後佢再喺今日下午上載坐車前往場地嘅照片到IG Story，並問大家「我今天帥嗎？」；Jeremy則上載自己企喺舞台高舉右手嘅照片，並寫上：「聽日第一場 Enjoy ❤️」；「大表哥」Stanley上載自己企喺舞台台高舉雙手嘅照片，寫上：「//致最愛的舞台!請給我們力量，順順利利，平平安安，台前幕後齊上齊落💪🏻我哋一定會用盡20000倍力量去完成🔥明天見！」；而隊長Lokman則上載自己喺場地行走嘅背影照片，並寫上：「Let’s rock!」

而Frankie就上載自拍照到IG Story，並寫上：「聽日GOOD SHOW!!」；Alton則喺IG Story以黑色背景上載心中一團火嘅emoji。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！