胡鴻鈞搵蔡思貝練咀戲 譚凱琪出街畀人鬧?
藝人胡鴻鈞(Hubert)、譚凱琪(Zoie)等《降魔的2.0》演員派送抗疫物品給的士從業員總會,Hubert表示自己集集都有追睇,講到他日前一集強吻鄧佩儀,他笑言:「唔係強吻,雙方你情我願,相信佢好開心。(你呢?)三生有幸。」Zoie即笑問他:「你有冇畀人扭耳仔?」與蔡思貝傳緋聞的他詐傻笑言:「邊個?我媽咪?佢最多話我做得唔夠好。」
請教蔡思貝做戲
問到拍時可尷尬?他表示:「唔尷尬呀,因為大家都專業,鄧佩儀都lead到我,令到我唔緊張。」他又謂今次非螢幕初吻,問到現實中不多經驗,才要人lead住?他即扯開話題想請教Zoie,追問下才坦言:「現實生活唔係好多,都希望多啲機會練習。(冇對象練習?)未有呀,好失望。(思貝呢?)仲未有機會呀。(叫佢幫你練習演技?)絕對有呀,佢演戲好有心得,所以同我分享演戲經驗。(咀戲使唔使請教佢?)所有關於做戲都會請教。」他又笑言羨幕此劇馬國明多艷福:「佢同好多唔同女演員都有身體接觸,我同監製反映吓先。」
譚凱琪被問「你係咪人!」
Zoie則分享拍吻戲的心得:「幕前同現實唔同,有前輩教咀嗰陣好似食緊嘢、咬緊嘢咁,睇落去就好似投入啲。」問到現時拍咀戲老公批准?她坦言:「佢接受能力都高,當然睇劇情,佢都大方嘅。」她又笑言最近出街經常被人問「你係咪人」:「我以為畀人鬧,原來係講緊《降》。」