葡萄友：男人唔可以窮 被李佳芯包養 男友零尊嚴

李佳芯Ali之前係《學是學非》已經得到唔少觀眾緣，加上佢演技又唔差，大台又咁缺人，於是畀咗唔少劇佢拍仲要擔正女主角，好似同方中sir嘅《律政強人》同做緊嘅《與諜同謀》。Ali事業就急速起飛，相反佢男友Danny比較起嚟就頹好多，日前仲畀人影到Ali話佢吊兒郎當唔識把握機會，話到男友頭耷耷。雖然同係演藝人並係Viu TV做節目主持，但論人氣知名度同吸金力都相差幾遠，好似佢地兩人食飯都不時畀人發現係由女方埋單，而且連一齊同居嘅清水灣屋企都係由女方負責畀租，女尊男卑真係一面倒。

口講就話男女平等社會自由開放，實際上又點會係丫。男人無事業，真係抬起頭都難，男士們又點樣可以爭氣啲呢？

定下目標
女人唔介意同心愛嘅男人捱窮，但至少都要畀女方見到有希望丫。一於定一個目標，畀自己去跟住行同時亦畀女友見到你有計劃嘅打算，當然唔可以吹到好大，呃得到人都呃唔到自己。

增值自己
除咗要發展嘅目標，仲有要有上進心，例如係工餘時間多睇書上下堂學下新技能，甚至唔怕辛苦走去半工讀增值自己。唔係要做畀女方睇，但機會永遠都係留畀有準備嘅人。

把握機會
飛雲嚟到嘅時候就要好好把握同珍惜，因為唔係成日有機會架。另外，亦唔好懶係清高咁嫌三嫌四、講理想揀job嚟做，有得做就做住先，從而建立自己嘅事業，日後先慢慢揀啦。

借另一半上位
雖然借女友上位可能係會好無面子，但的確可以增加自己嘅知名度，或者識多啲人，擴闊人際網絡，搵工轉工都比較容易。

相片來源：Danny陳炳銓 ＠facebook, aliaime @ig