Do姐睇尾場棟篤笑撐子華神 網民：幾時再合作？

黃子華「封咪」前最後一個棟篤笑《金盆o浪口》，喺噚晚（31號）經已完滿結束。總共26場嘅棟篤笑都吸引唔少藝人到場支持，尾場當然吸引更多藝人好友到場觀看啦，有容祖兒 、佘詩曼、吳鎮宇、張達明等等。連無綫神劇《男親女愛》嘅拍檔鄭裕玲（Do姐）都有到場，Do姐喺社交網站上載同子華後台嘅合照，並寫上「Well done my friend﹗」

有資料顯示黃子華每次開騷Do Do 姐到會到場支持，風雨���改。不過今次等咗25場都見唔到Do姐嘅踪影，冇理由「封咪」前最後一個騷Do姐會唔出現嘅，最終喺尾場見到佢，即係令人諗起Miss Mo同余樂天及主題曲歌詞「藍藍天空高掛我的夢」。雖然《男親女愛》已經係十幾年前嘅電視劇，但一班網民都話想再重溫，仲留言話係「童年回憶」同問佢哋「幾時再合作」等等。