SoSIM 聯手屈臣氏合作,$33 買卡送 $40 蚊現金券!

Winson Lam
·1 分鐘 (閱讀時間)

文章來源:Qooah.com

由 3HK 推出嘅 SoSIM 儲值卡自開賣以來都獲得唔少關注,今日 3HK 舉行記者會提到已經有 30 萬 SoSIM 用戶。過往 SoSIM 主要係同百佳集團合作發售,而今日再宣佈同誠哥旗下另一大品牌屈臣氏合作,以後買卡又再多一個地方。

3HK 今日宣佈,由即日起至 4 月 30 日,易賞錢會員於全線屈臣氏門市或網店購買 $33 SoSIM 儲值卡,除獲 $40 現金券,亦可享 10 倍易賞錢積分,及星級化妝師網上化妝班或註冊營養師一對一網上諮詢,總值高達 $440。

除外,由 4 月 17 日起至 7 月 8 日,凡於任何一間屈臣氏或百佳增值SoSIM 儲值卡,即送免費指定飲品一支,每段推廣期送出不同飲品,包括屈臣氏鹼性水 9.0 、屈臣氏北海道蜜瓜味蘇打水、屈臣氏蜂蜜水(玫瑰味)等,數量有限,送完即止。

今次優惠睇落的確唔錯,買張 SIM 有 50GB 數據,仲有 $40 現金券同埋其他優惠。不過亦都要留意返,就係 SoSIM 初推出時有三項頗吸引嘅「開卡優惠」,包括額外 50GB 社交數據、多 5,000 分鐘本地通話,另外每日 11pm-7am 仲有無限任用數據 (最高 7.2Mbps) 等,最近因推廣完結而取消咗。

為您推薦更多相關文章:

3HK 推出「智能漫遊防火牆」功能,避免再出現漫遊震撼賬單

3HK 推出全新 DIY 儲值年卡,自選數據無合約無行政費