Yahoo奇摩新聞 Yahoo Travel HK
木村拓哉大女於代官山賣衫 隨時碰著星二代？
人氣天王木村拓哉喺日本依然紅透半邊天，最近日劇《無限之住人》飾演宮本武藏，又再刺激人氣！不過想見天王木村就梗係非常難啦，但原來想見佢個女反而好容易呢！話說木村同老婆工藤靜香嘅15歲大女木村心美原來已經亭亭玉立，而且最近去到木村夫婦嘅一位朋友開嘅時裝店打工呢！雖然唔知確實嘅店名，不過剩係知地點係代官山，相信都唔係一般嘅時裝店喇；另外就係心美雖然未正式曝光，不過應該一副木村嘅尊容啦，一旦見到，應該好快會被佢嘅星味吸引！而根據時裝店其他員工偷偷地講，心美不但無架子，而且非常單純，因為佢係仲用緊上唔到網嘅舊式電話！而且心美仲話屋企一直唔會開電視，其實佢連自己老豆係大明星都唔係好覺架咋！嗱嗱嗱，各位飛雲，要碰運氣就快喇，事關心美喺下年就會飛去法國進修音樂呢！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
木村個大女已經15歲喇！
（圖：keepingbreath@tumblr）
唔少網友都討論究竟心美喺邊間店工作。
（圖：tokyogems@tumblr）
代官山係潮男潮女根據地，不過心美偏偏係單純系嘅。
（圖：droptokyo@tumblr )
相關文章：
