《燈火闌珊》無法角逐「奧斯卡最佳國際影片」 任達華致歉：係我自己嘅失誤

電影《燈火闌珊》無法角逐「奧斯卡最佳國際影片」引起唔少關注，據知有演員投自己一票令《燈火闌珊》被撤銷角逐「奧斯卡最佳國際影片」資格。今日（12日），電影男主角任達華透過英皇娛樂就此事發聲名向公眾深表歉意。

／ 有關《燈火闌珊》演員投自己一票，致電影無法角逐「奧斯卡最佳國際影片」，有份演出電影的任達華深表歉意，希望向公眾交代。

「《燈火闌珊》係我自己好喜歡嘅一部電影，每個地方都有唔同嘅遊戲規則，我願意為《燈火闌珊闌珊》所有付出嘅工作人員、同事道歉，辛苦晒，係我自己嘅失誤，投咗《燈火欄珊》一票，好抱歉好抱歉，亦都向香港電影製片家協會講聲抱歉，因為投咗自己部電影一票，好抱歉好抱歉。亦都向所有喜歡電影嘅朋友致歉、道歉。」 ／

《燈火闌珊》團隊昨晚（11日）亦發出聲明，表示：「本劇組今早收到『香港電影製片家協會』通知：《燈火闌珊》未能成功晉身『奧斯卡最佳國際影片』的候選名單之中，原因未明。劇組深感可惜之餘，也靜候協會和奧斯卡方面進一步說明。多謝各方關注。」

Yahoo娛樂圈曾就此事聯絡導演曾憲寧及男主角周漢寧，導演曾憲寧至截稿前未有回覆，至於周漢寧則表示不作回應。相信劇組將會透過香港電影製片家協會，與主辦奧斯卡的美國電影藝術與科學學院（AMPAS）溝通，繼續了解事件。