Yahoo奇摩新聞 【世界盃2018】英格蘭隊長哈利簡尼的10年愛情故事 由一張和碧咸的合照講起….
世界盃終於嚟到四強，今屆嘅賽果出人意表，之前嘅大熱除咗法國之外全部都倒灶，而英格蘭更相隔28年後再次打入四強，力爭冠軍寶座。依隊英格蘭平均年齡只有24歲，相當年青，領軍嘅隊長哈利簡尼（Harry Kane）都只有24歲。雖然年輕，但係哈利簡尼嘅球技了得，依家仲係神射手榜嘅頭幾位，除了球技好，佢嘅愛情故事一樣好好聽！
哈利簡尼同前英格蘭隊長碧咸係同一間中學嘅學生，喺哈利簡尼13歲嘅時候，碧咸返咗母校，當時哈利簡尼已經係一個足球小子，係熱刺青訓嘅成員。咁學校就安排佢同一班一齊接待碧咸，碧咸仲搭住佢膊頭影相添。
世界盃前夕碧咸就上載咗當時嘅合照上instagram，就發現碧咸身邊除咗有哈利簡尼，仲有哈利簡尼依家嘅未婚妻Katie Goodland，What?
原來哈利簡尼同Katie Goodland當時仲未認識，只係咁啱一齊出席足球學校嘅活動見下偶像。
就係咁，哈利簡尼同Katie做咗好朋友，直至2012年拍拖。
大個仔做咗當紅球星嘅哈利簡尼都冇被花花世界影響，同Katie繼續相愛。
佢喺訪問度講咗：「如果我依家單身去識新朋友，我唔會知嗰啲人想識我嘅目的，係唔係為咗錢？我唔知道，我好幸運有一位細個就認識嘅愛人。」
佢哋喺2017年誕下女兒，哈利簡尼亦都向Katie Goodland求婚，不過對佢哋嚟講一張婚書都唔係最重要。
因為哈利簡尼講過：「佢係我嘅終生伴侶，無論發生咩事，我哋都會一直一起生活落去。」
咁專一咁sweet嘅球星，真係愈嚟愈少架喇，除咗美斯，依家仲有哈利簡尼！
前往瀏覽完整內容:
【世界盃2018】英格蘭隊長哈利簡尼的10年愛情故事 由一張和碧咸的合照講起….
更多相關報導:
【世界盃2018】靚仔鮮肉通通脫掉 10國球星肌肉照大對決 邊個係C朗最大競敵？
