印尼跟團餵紅毛猩猩 少女險被猩猩捉走?
印尼係一個充滿熱帶熱林嘅國家,去印尼玩,基本上一定會安排相關活動,坐下船仔穿梭雨林,或者同當地嘅「原居民」紅毛猩猩互動一下。不過近日有外媒就報道一件恐怖故事,差啲釀成悲劇。近日一個當地Local Tour如常帶遊客進入雨林,仲去搵紅毛猩猩做近距離接觸,一般嚟講紅毛猩猩比較溫馴及平易近人,所以呢個活動一直都好安全。今次活動亦開始得順利,一位外國少女就慢慢接近一隻比較年輕嘅紅毛猩猩,並開始餵食。不過猩猩開始變得愈嚟愈唔耐煩,仲用手拉實少女隻手,一開始少女仍然以為係同佢玩,但點知猩猩一直唔放手,而且愈扯愈大力,更直情想拖佢走。嚇得少女及附近團友都開始擔心,幾經眾人合力用各種方法引開猩猩注意及拉開佢對手,少女終於甩身,但雙手已經紅腫及扭傷,幸好無甚大礙!當地導遊就話可能呢隻猩猩剛為人父,所以有好強保護地盤能力;幸好少女當時無受驚大叫或者死命掙扎,否則仲刺激到猩猩,以猩猩嘅臂力,係可以直接扯斷人手呢!
![image](https://s.yimg.com/ny/api/res/1.2/6mdld4A3a_JbKtd5uA2ZCQ--/YXBwaWQ9aGlnaGxhbmRlcjt3PTk2MDtoPTY5Nw--/https://s.yimg.com/uu/api/res/1.2/ThqpSvnAsCtNOK1Hx2eBTw--~B/aD00MjY7dz01ODc7YXBwaWQ9eXRhY2h5b24-/https://78.media.tumblr.com/f835b74e78b1e5a66231bfcef787335d/tumblr_inline_p7l0fdQ4HZ1t92yk3_1280.jpg)
少女一開始仲同猩猩玩得好開心,以為只係一般地遊玩。
![image](https://s.yimg.com/ny/api/res/1.2/F30CKiEqcfdjtDxgpfW7pg--/YXBwaWQ9aGlnaGxhbmRlcjt3PTcwNTtoPTUzMw--/https://78.media.tumblr.com/295b40f72cf17a243d8e9a1242bc7d7a/tumblr_inline_p7l0flC34g1t92yk3_540.jpg)
後來猩猩死不放手,仲想拉少女離開!
![image](https://s.yimg.com/ny/api/res/1.2/ScNqsjzrpzIT4mlKCi6Lxw--/YXBwaWQ9aGlnaGxhbmRlcjt3PTk2MDtoPTU4OA--/https://78.media.tumblr.com/9203d58c55d6d7d0528d263fe3347a2e/tumblr_inline_p7l0frGwkX1t92yk3_1280.jpg)
最後終於係眾人之力下解救少女,嚇死人!
相關文章: