同志活動「一點粉紅」重返戶外 與區選撞期 參加者稱無抵觸：要投就會去投

Pink Dot 由今午 1 時起開始，截至下午 3 時有約 2,000 人入場。《Yahoo 新聞》記者現場所見，市民入場無需輪候，但需檢查隨身物品，現場有數名警員巡視。

場內有 24 個性小眾及環保組織攤位，另有 22 個遊戲攤位。不乏同性及異性伴侶穿著粉紅色衫出席活動，亦有市民帶同子女到場感受嘉年華氣氛。場內主舞台有不同表演嘉賓載歌載舞，包括人氣女團 Lolly Talk、Winka@COLLAR 等，不少粉絲早早入場等候與偶像會面。變裝團體 Queen Collection HK 亦有多位變裝皇后盛裝打扮送上勁歌熱舞。

大會：警方中午完成巡視

昨日《Yahoo 新聞》報道，有參與活動的同志組織透露，所有檔位都需要在活動前先被警方巡視，部分性小眾上台發言環節亦被取消。主辦方昨日解釋，是因為警方要求活動提早完結，故大會決定取消大部分嘉賓發言。

「一點粉紅」大會代表梁兆輝今日指，警方限制場內入場人數最多為 3,500 人，目前仍未及上限。如超出限制，大會將設人流管制，屆時入場人士便需排隊進場。對於日前警方要求在活動開始前巡視所有攤位，他指警方約於今午 12 時許完成巡視，未提特別要求，「我諗佢哋都係想對我哋個 structure（結構）認識啲，好簡單巡咗一個圈，都比較安心就離開咗」。

至於警方要求活動提早完結，梁指由於活動與區選撞期，警方警力不足而比較緊張，因此活動將由原定 9 時結束，提早 1 小時至 8 時結束，因此需取消 5 個性小眾單位發言，「咁一定係未必最理想，但如果一切安好，只需要我哋做一啲讓步，而我覺得都合理嘅話，我哋都盡量去做。我覺得能夠成功喺戶外舉行到 Pink Dot，係比起𥚃面嘅細節係重要嘅」。

早前有反同人士批評 Pink Dot 與區選撞期將分薄投票人流，梁指，當初大會成功申請西九場地時，政府仍未公佈區選日期，因此只屬巧合，「但我覺得佢（反同團體）未必太少看呢個區選啦！一個活動就可以拉低投票率？投票都係最多半個鐘啫」。他強調，活動與選舉並無抵觸，希望投票的市民選出真心幫助到香港的候選人。

無性戀團體首次參與

無性戀團體「無性群象」首次參與活動，在場內擺攤位向大眾解釋無性戀概念。成員 Kaya 指，組織去年成立，眼見香港較少組織討論無性戀，希望加強公眾對無性戀的認知。她續指，Pink Dot 是開放予公眾參與，不局限於性小眾社群，希望藉此接觸更多不同性向的人。她以往多年均有參加 Pink Dot，形容今年氣氛更貼近初代的活動氣氛，「始終喺戶外大家都 free（自由）啲，室內始終有少少壓迫感」。

對於警方今午巡視攤位，Kaya 指並不太了解巡視情況，但會尊重大會決定。被問到 Pink Dot 被指分薄投票人流，她笑言「會投票嘅人就會投票」。

同性伴侶望每年舉行：唔好畀人封殺

陳小姐偕伴侶王小姐到場參與，並到拍照區相擁拍照留念。陳指，多年前曾參加一次 Pink Dot，當時同樣於西九文化區舉辦，認為今次場地較上次小，但氣氛同樣熱鬧，最期待黃凱逸（Zelos）的表演。

對於有部份性小眾發言被取消，陳坦言稍有失望，但希望 Pink Dot 可每年如期舉行，「香港喺 Equality（平等）嗰方面已經差啲，社會上都仲有好多歧視嘅聲音，Gay Parade（同志遊行）又已經無咗，所以 LGBT 活動已經好緊絀，希望之後（Pink Dot）唔好畀人封殺」。

活動與區選撞期，被問到有否投票，兩人答：「睇吓一陣有無時間」。對 Pink Dot 被指會影響投票人流，陳指市民於周末素來有很多活動，即使沒有 Pink Dot 亦有很多選擇，「如果係咁或者投票日嘗試 close（關閉）所有戲院、餐廳，大家嘅專注就會 focus（集中）喺投票嗰度」。

張先生與太太㩦同 1 歲女兒出席 Pink Dot，感受嘉年華氣氛，一家人第一次參加 Pink Dot，「好熱鬧，好多人排隊玩啲攤位，又有 live band 都幾好」。張先生指，在戶外舉辦可吸引更多人參與活動，「可能有啲人諗住嚟野餐嘅，都可以 join 呢個活動」。對於與區選撞期，兩人認為兩者沒有抵觸，「要投嘅人就會去投㗎啦」。