Yahoo奇摩新聞 
擺脫負能量！扔掉6種心靈廢物
負能量同癌細胞一樣人人都有，只係睇吓幾時發作，一發作就好難收拾，如果唔想負能量擴散，就要保持情緒健康，盡快扔掉會累積負能量嘅心靈癈物。
1. 刪除舊記錄：例如手機裡面舊情人嘅照片及WhatsApp記錄，任何會引起不愉快感覺嘅記錄都應該立刻刪除。
2. 發洩不滿：精神行為專家建議，將不安與焦慮寫喺紙上面，然後大力撕破、揉成紙團丟掉，希助將壞情緒從大腦轉移出去，減輕壓力。
3. 離開手機與電腦：每日生活在資訊爆炸中，會大量消耗心嘅能量，令人感到焦慮。可以嘅話臨睡前一小時關掉電腦、手機，俾自己可以喺寧靜中入睡。
4. 處理無用嘅物品：凌亂嘅房間反映住喺裏面嘅人有處理唔完嘅煩惱，此時應該打掃房間，讓多出來嘅空間能注入正能量。（文章重溫：囤積舊物影響幸福！）
5. 泡澡排毒：洗澡係排毒嘅黃金時間，當身上污垢被洗淨，壞情緒也彷彿同時被洗滌淨盡。
6. 撇除負性字眼：無論說話或寫字，都要習慣將負面字眼從腦中撇除，例如：「我唔開心」、「死啦」、「大鑊」、「無得救」、「今次大件事」、「弊家伙」、「死火」、「唉」等等。如果可以嘗試將負面說話變得有鼓勵性，例如：「大鑊」變成「好有挑戰」；「唔得」變成「凡事有可能」；「危危乎」變成「好機會」，就有可能扭轉命運喇！
Related Articles:
更多精彩內容
More from CosmoGirl!
由愛情到性、美容到時裝，盡在 cosmogirl.com.hk
