【本地好去處】香港親子一日遊推介！天然紮染DIY＋室內遊樂場＋市區BBQ

雖然放完暑假，相信好多小朋友玩到心都散晒，無咩心機返學！難得挨到周末，不如帶小朋友來個親子一日遊，既可以試試天然紮染DIY小物，又可以行行尖沙咀最新文創新地標，晚餐可以去BBQ，大家不妨參考以下本地一日遊行程，充實下啦！

1. 環保創意 PMQ天然紮染DIY

位於PMQ既染樂工房係香港第一間用天然廚餘，例如黃薑粉、蝶豆花、咖啡渣等作為環保染料既工作室，店內有超過30款布可以俾大家紮染，布袋、漁夫帽、T恤、半身裙等文青必備單品都可以親手整到，大人細路都可以體驗下！

（來源FB@Dyelicious 染樂工房）

染樂工房
地址：中環鴨巴甸街35號元創方A座 S506
交通：乘坐101或104號巴士，於威靈頓街站下車，沿皇后大道中及鴨巴甸街前往PMQ，或乘坐103號巴士於鴨巴甸街站下車，沿鴨巴甸街前往PMQ

2. 尖沙咀文創新地標 K11 MUSEA

K11 MUSEA剛於8月26日開業，裡面有70幾個本地及國際品牌食肆餐飲，大家行足一整個下午！商場中庭有打數百盞燈飾，營造出星光既效果，亦有一座模仿樹根生長既雕塑 Escalating Climbers，連接住Gold Ball，成個商場好似藝術品咁，打卡一流！

（來源FB@ K11 MUSEA）

地址：香港尖沙咀梳士巴利道 18 號

交通：乘坐5, 5A, 5C, 5P, 5X, 8, 9, 12,13X , 26, 26X, 28, 35A, 35X, 41A, 81C, 87D, 98D, 98P, 203C, 208, 213X, 215P, 215X, 219X, 224X, 260X, 268B, 269B, 271S, 280X於尖東站下車

3. 活力園區 Mega box 室內遊樂場

近日天氣成日落雨，搞到小朋友少咗好多到戶外跳跳紮嘅機會！想搵個地方放電，位於Mega box嘅呢間九龍灣室內遊樂場就啱晒你，3米高垂直滑梯、Tiffany blue色調嘅波波池、3層嘅大型迷宮，絕對令佢哋玩到樂而忘返，當中迷宮佈滿重重障礙及機關，真係幾考小朋友嘅體力架！

（來源E3Club兒童室內遊樂場 Megabox）

E3Club兒童室內遊樂場 Megabox
地址: 九龍灣宏照道38號MegaBox 12樓1號舖
交通:坐15A去到常悅道，步行3分鐘就到達，或於德福廣場轉乘免費接駁巴士到Mega box

4. 露天BBQ 食住玩滑梯

小朋友放完電，近近地可以去Cafe Wellcome x BBQ Place ，呢到食品種類多，晚市除咗可以享用套餐之外，仲可以去到天台花園到BBQ，價格都幾經濟實惠，隨餐仲會有埋自助沙律吧同Häagen-Dazs雪糕！小朋友可以襯大人燒緊嘢食嗰陣，去旁邊嘅公園玩下滑梯，唔怕悶親！

（來源Cafe Wellcome x BBQ Place、港台混血小暴龍）

Cafe Wellcome x BBQ Place
地址：九龍灣展貿徑1號國際貿易中心E-Max 4樓421-425號鋪
交通：乘坐213X到宏展道下車步行2分鐘 、乘坐98D或219X到九龍國展展貿中心行車步行1分鐘

.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！