Yahoo奇摩新聞 注意！iPhone X開賣前預訂要知道的事
iPhone X將於香港時間10 月 27 日下午 3 時 01 分起接受預訂，11月3日正式開賣，由於非常限量，價格又高，而且都根本無咩人見過真身，更大有可能成為炒賣目標，到底預訂iPhone X前有甚麼要留意呢？又有甚麼準備要做好？
iPhone X預訂有貨嗎？
蘋果代工廠鴻海共有30條生產線生產iPhone X，每週大概可以生產60到70 萬部，而預期11 月 3 日上市之前出貨量只有300萬部，雖然已經比預期中好（最初的預期亞洲只分到10萬部），但作為Apple一部十年旗艦機，外型有如此大分別，相信會引來炒風，而全球仍然非常缺貨，就算是整個11月也只有800萬部，相信不少人要到12月才真正容易一點買到，因為到時將會增加到1,500萬部。如果你可以於10月27日就已經成功預訂，就真係中獎咁好彩！
iPhone X揀咩色好？
iPhone X不似iPhone 8有三種顏色選擇，iPhone X只有銀色及太空灰選擇。很多人都未曾見過真機，筆者有幸親身前往美國探訪當日的發佈會，將真正的iPhone X拿在手中測試近一小時，個人認為太空灰版本最一致，前後皆是亮黑的質感，以機側的不鏽鋼邊框也用上金屬灰色，整體都沒有違和感。由於筆者這一年來都在使用iPhone 7 Plus的亮黑色，覺得兩者的質感與外觀感覺比較近。很多人都擔心太空灰機背易留手指模，但我可以好肯定跟你說，手指模的情況絕對比起上代Jet Black好得多！
而所謂銀色版本，事實上機背都是白色機背，有時在光線折射之下銀色的感覺，與機面的屏幕營成強烈對比，效果頗討好，加上其銀色機框，令人想起iPhone 3G的設計！而銀色版本最令我歡喜的是，由於我手汗較大，但是其機背留下手指模的情況可以說是幾乎不顯眼，不用經常經人污糟的感覺，又不用經常抹機，方便得多！
揀幾多GB好？
iPhone X由於是旗艦機的關係，所以只有64GB及256GB可以選擇，64GB為$8,588，而256GB為$9,888，是iPhone家族史上近萬元的iPhone，而iPhone 8 Plus的256GB版本為$8,188，便宜$1,700，甚至比64GB的iPhone X更平！但是iPhone X與iPhone 8 Plus雖然同為雙鏡頭的手機，但是從鏡頭、電量以至實際功能上都有分別，想了解清楚，不妨睇睇以下文章（延伸閱讀：iPhone X同iPhone 8 Plus點揀？點止係咪全屏幕咁簡單 ）！！
不過如果你問我，買機揀多大內容的話，我一定會揀最大，特別是拍片都用4K的話！而且手機的遊戲容量愈來愈大，揀64GB會有點不便！不過如果你是擔心相片、歌曲儲存問題的話，買64GB版本都可以用iCloud解決，200GB容量都只是每個月$23，俾足五年才是256GB版本的差價。
Face ID比Touch ID更準確
iPhone X擁有全iPhone 家族獨家的技術Face ID，到底你是否需要Face ID呢？筆者手汗大，特別是運動，經常都不能用Touch ID解鎖iPhone，在這些情況下，Face ID正好解決問題！ 而當初Face ID一出，大家都在疑問，是否可以趁你睡著之時，讀取你的臉孔以解鎖呢？其實這擔心都多餘，第一，Face ID必須閱讀到你注視機面才可以啟動解鎖；第二：Touch ID以手指解鎖似乎更容易在你睡著時被盜用了吧？有關Face ID的詳細內容，可以參考以下文章（延伸閱讀：擔心Face ID 出錯？其實無人可以係你入睡時偷開iPhone X！ ）
可能要買定AppleCare+
由於iPhone X是用上玻璃機面及機背去製造，無論玻璃多強，都未必可以敵得過高空墜毀的威脅，如果你玩開裸機，就更加要俾多「少少錢」，在訂機時，順手買埋AppleCare+ (HK$1,888)，或在購買 iPhone 的 60 日內購買，就可以 獲得長達兩年的技術支援及意外損壞保障，而在這兩年間，你可以享有多達兩次意外損壞的保障服務，但每次都會收取服務費，如果是螢幕損壞為 HK$228，其他損壞則為 HK$788，價錢都幾貴，但都貴唔過你換機。
事先檢查Apple ID
由於訂購iPhone X肯定會成為全民運動，10 月 27 日下午 3 時 01 分起，全香港應該停工15分鐘以上，所以這絕對是分秒必爭的事情，所以訂機前要做的準備，就是要事先檢查Apple ID及早一日在會用的瀏覽器上檢查登入資訊，看清楚信用卡資料、送貨地址等等，確保可以瞬間完成整個訂購過程！
Bookmark這一版！
到時先至慢慢入Apple網頁就慢晒啦，最好就係bookmark這一版，到時一按即開！
黑色256GB版本快速訂購點
銀色256GB版本快速訂購點
更多相關報導:
iPhone X同iPhone 8 Plus點揀？點止係咪全屏幕咁簡單！
Follow us on facebook @Esquire HK
