留意：「香港電腦通訊節2017」惡劣天氣措施安排！

香港近排打風頻頻，啱先打完十號風叫做送走左「天鴿」，今個星期另一颱風「帕卡」又殺到來。適逢今個星期電腦展舉行，相信唔少人都諗住聽日(8月27號星期日)入去掃平貨。如果你真係有呢個打算，咁就要留意下大會安排啦。

我地已經收到大會新聞稿通知，而家就直接貼俾大家睇睇，諗住呢兩日去的話，都要留意住天氣變化以及安排啦，一陣去到摸門釘就唔好啦。

1. 如8號或以上颱風警告在展覽期內上午9時前懸掛，展覽會將會暫時關閉。

2. 如天文台發岀預警表示將會改掛8號或更高颱風信號：主辦機構將即時作出廣播，宣佈展覽會於預警發出後兩小時關閉及停止售票，並請在場參展商及參觀人士盡快離開會場。

3. 如天文台即時改掛8號或更高颱風信號：主辦機構會將會作出廣播，宣佈展覽會立即關閉及停止售票。

4. 如於明天 (即8月27日) ，8號或以上颱風於下午4時之前除下或改掛較低訊號，展覽將於2小時後重開；下午4時以後除下或改掛較低訊號，展覽會將暫停一天。

5. 如於展覽第4天 (即8月28日) ，8號或以上颱風於中午12時之前除下或改掛較低訊號，展覽將於2小時後重開；中午12時以後除下或改掛較低訊號，展覽會將暫停開放。

6. 若8號或以上颱風除下後，8月27日及28日展覽開放時間將延長，8月27將延長至晚上11時，而8月28日將延長至晚上7時。

此文章原刊於 Qooah.com

No related posts.